ᱫᱮᱥ ᱯᱟᱨᱜᱟᱱᱟ ᱵᱟᱵᱟ ᱦᱟᱜ ᱫᱟ.ᱦᱲᱤ ᱪᱟᱞ | ᱫᱮᱥ ᱯᱟᱨᱜᱟᱱᱟ ᱯᱤᱛᱷᱚ ᱢᱟ.ᱨᱰᱤ

 ᱫᱮᱥ ᱯᱟᱨᱜᱟᱱᱟ ᱢᱟᱱᱚᱛᱟᱱ ᱯᱤᱛᱷᱚ ᱢᱟ.ᱨᱰᱤ 

Desh Pargana Baba: Pitho Mardi 

देश पारगना बाबा मानोतान पिथो मार्डी

ᱛᱮᱦᱮᱧ ᱥᱤᱸᱜᱤ ᱢᱟᱦᱟ ᱤᱝᱨᱮᱡᱤ ᱢᱟ.ᱦᱤᱛ ᱒᱑ᱼ᱐᱑ᱼ᱒᱐᱒᱔ ᱠᱩᱪᱩᱝ ᱫᱤᱥᱚᱢ ᱜᱟᱢᱫᱟᱥᱟ.ᱭ ᱯᱤᱲ ᱨᱮ ᱫᱮᱥ ᱯᱟᱨᱜᱟᱱᱟ ᱢᱟᱱᱚᱛᱟᱱ -ᱨᱟᱢᱤ ᱢᱟ.ᱨᱰᱤ ᱟᱡᱟᱜ ᱫᱮᱥ ᱯᱟᱨᱜᱟᱱᱟ ᱫᱟ.ᱦᱲᱤ ᱯᱩᱛᱨᱟ. ᱠᱚᱲᱟ - ᱯᱤᱛᱷᱚ ᱢᱟ.ᱨᱰᱤ ᱮ ᱪᱟᱞ ᱟᱫᱮᱭᱟ ᱾ ᱢᱟᱱᱚᱛᱟᱱ ᱫᱮᱥ ᱯᱟᱨᱜᱟᱱᱟ -ᱯᱤᱛᱷᱚ ᱢᱟ.ᱨᱰᱤ ᱛᱮᱦᱮᱧ ᱠᱷᱚᱱᱟᱜ ᱠᱤᱨᱟ.ᱭ ᱦᱟᱛᱟᱣᱮᱫ-ᱟ ᱡᱮ ᱫᱮᱥ ᱨᱮ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱱᱟᱜ ᱟᱺᱜᱤᱵᱷᱟᱨ ᱮ ᱜᱚᱜ ᱮᱫᱟ ᱾

 ᱟᱡᱟᱜ ᱛᱟ.ᱨᱤ ᱨᱮ ᱡᱟᱸᱦᱟ ᱜᱮ ᱠᱟ.ᱢᱤ ᱠᱚ ᱦᱩᱭᱩᱜ-ᱟ ᱱᱤᱨᱚᱲ ᱢᱮᱱᱛᱮ ᱱᱤᱨᱟ.ᱭ ᱛᱮ ᱛᱳᱣᱟ ᱠᱷᱟᱱ ᱛᱳᱣᱟ-ᱫᱟᱜ ᱠᱷᱟᱱ ᱫᱟᱜ ᱜᱮ, ᱥᱟ.ᱨᱤ ᱟᱨ ᱥᱚᱛ ᱜᱮᱭ ᱵᱤᱪᱟ.ᱨᱟ, ᱫᱤᱥᱩᱣᱟ. ᱢᱤᱫᱩᱱ ᱨᱮ ᱥᱮᱞᱮᱫ ᱞᱮᱱ ᱥᱟᱱᱟᱢ ᱫᱮᱥ ᱯᱟᱨᱜᱟᱱᱟ ᱵᱟᱵᱟ ᱠᱚ, ᱯᱤᱲ/ᱛᱚᱨᱚᱯ ᱨᱤᱱ ᱯᱟᱨᱜᱟᱱᱟ ᱵᱟᱵᱟ/ᱟᱭᱚ ᱠᱚ ᱠᱩᱪᱩᱝ ᱫᱤᱥᱚᱢ ᱥᱟᱶᱛᱮ ᱫᱮᱥ ᱫᱤᱥᱚᱢ ᱠᱷᱚᱱ ᱦᱮᱡ ᱥᱮᱴᱮᱨ ᱞᱮᱱ ᱢᱟᱡᱷᱤ ᱵᱟᱵᱟ, ᱯᱟᱨᱟᱱᱤᱠ, ᱜᱟᱰᱮᱛ, ᱡᱟᱜᱢᱟ.ᱡᱷᱤ ᱟᱨ ᱟ.ᱛᱩ ᱢᱚᱬᱮ ᱦᱚᱲ ᱟᱭᱚ ᱵᱟᱵᱟ, ᱵᱚᱭᱦᱟ ᱢᱤᱥᱤ ᱠᱚ ᱢᱟ.ᱢᱷᱤ, ᱵᱚᱸᱜᱟ ᱵᱩᱨᱩ ᱟᱨ ᱥᱟ.ᱜᱩᱱ ᱞᱚᱴᱟᱫᱟᱜ ᱛᱮ ᱱᱚᱣᱟ ᱢᱤᱫᱤᱱ ᱠᱚ ᱥᱟ.ᱠᱷᱤ ᱥᱚᱵᱷᱚ ᱠᱮᱫᱼᱟ ᱟᱨ ᱥᱮᱞᱮᱫ ᱞᱮᱱ ᱥᱟᱱᱟᱢ ᱦᱚᱲ ᱢᱟ.ᱡᱷᱩ ᱯᱟᱨᱜᱟᱱᱟ ᱢᱟᱦᱟᱞ ᱠᱩᱪᱩᱝ ᱫᱤᱥᱚᱢ ᱯᱟᱦᱴᱟ ᱠᱷᱟᱱ ᱥᱟᱭ ᱜᱮ ᱥᱟᱭ ᱥᱟᱨᱦᱟᱣ ᱠᱚ ᱪᱟᱞ ᱠᱮᱫᱼᱟ ᱾

ᱢᱤᱫ ᱢᱟᱦᱟᱨᱤ ᱫᱩᱯᱲᱩᱵ ᱨᱮ ᱜᱟᱞᱚᱪ ᱞᱮᱱ ᱥᱟᱛᱟᱢ ᱠᱟ ---

ᱚ. ᱟ.ᱛᱩ ᱚᱲᱟᱜ ᱨᱮᱱᱟᱝ ᱢᱟ.ᱡᱷᱤ ᱯᱟᱨᱜᱟᱱᱟ ᱥᱟᱥᱚᱱ ᱵᱮᱵᱚᱥᱛᱟ

ᱟ. ᱨᱩᱲᱦᱤ ᱯᱟᱨᱛᱷᱟ ᱥᱟᱥᱚᱱ ᱵᱮᱵᱚᱥᱛᱟ

ᱤ. CNT Act / SPT Act , PESA Act ᱪᱮᱛᱟᱱ ᱨᱮ ᱜᱟᱪᱚᱞ

ᱩ. ᱢᱟ.ᱡᱷᱤ , ᱯᱟᱨᱜᱟᱱᱟ , ᱫᱮᱥ ᱯᱟᱨᱜᱟᱱᱟ ᱠᱚᱣᱟᱜ ᱫᱟᱲᱮ

ᱮ. ᱱᱤᱡᱚᱨᱟᱜ ᱦᱚᱠ ᱟ.ᱭᱫᱟ.ᱨᱤ ᱪᱮᱛᱟᱱ ᱨᱮ ᱜᱟᱞᱚᱪ

ᱳ. ᱥᱟᱶᱛᱟ ᱨᱮᱱ ᱥᱟᱱᱟᱢ ᱦᱚᱲ ᱵᱚᱱ ᱥᱮᱪᱮᱫᱚᱜ ᱢᱟ ᱟᱨ ᱟᱵᱚ ᱟ.ᱛᱩ ᱴᱚᱞᱟ ᱨᱮᱱᱟᱝ ᱟᱨ ᱵᱟᱝ ᱯᱩᱲᱥᱤ , ᱯᱤᱲ  ᱪᱮ ᱫᱮᱥ ᱨᱮᱱᱟᱝ ᱠᱟ.ᱣᱰᱤ ᱫᱟᱲᱮ ( ᱯᱷᱟᱱᱰ) ᱠᱚ ᱦᱟᱨᱟᱜ ᱢᱟ ᱡᱟᱦᱟᱸ ᱫᱚ ᱫᱩᱠ ᱵᱮᱲᱟ ᱨᱮ ᱚᱱᱟ ᱨᱮᱱᱟᱜ ᱥᱚᱦᱚᱫ ᱥᱟᱱᱟᱢ ᱥᱟᱶᱛᱟ ᱨᱤᱱ ᱦᱚᱲ ᱠᱚ ᱧᱟᱢ ᱫᱟᱲᱮᱭᱟᱜ ᱢᱟ ᱾

ᱟ.ᱛᱩ ᱠᱚ ᱞᱟᱦᱟᱱᱛᱤ ᱟᱨ ᱡᱩᱢᱤᱫ ᱤᱫᱤ ᱠᱟᱛᱮ ᱠᱟᱛᱷᱟ ᱠᱚ ᱞᱟ.ᱭᱮᱱᱟ ᱾

ᱢᱟ.ᱡᱷᱤ ᱯᱟᱨᱜᱟᱱᱟ ᱢᱟᱦᱟᱞ ᱠᱩᱪᱩᱝ ᱫᱤᱥᱚᱢ ᱨᱮᱱᱟᱜ ᱱᱟᱣᱟ ᱫᱮᱥ ᱯᱟᱨᱜᱟᱱᱟ ᱵᱟᱵᱟ ᱢᱟᱱᱚᱛᱟᱱ ᱯᱤᱛᱷᱚ ᱢᱟ.ᱨᱰᱤ ᱯᱟᱨᱜᱟᱱᱟ ᱫᱟ.ᱦᱲᱤ ᱪᱟᱞ ᱥᱟᱶᱛᱮ ᱢᱤᱫ ᱢᱟᱦᱟᱨᱤ ᱫᱤᱥᱩᱣᱟ. ᱢᱤᱫᱩᱱ ᱥᱟᱨ ᱥᱟ.ᱜᱩᱱ ᱮᱱᱟ ᱱᱟᱯᱟᱭ ᱛᱮᱜᱮ ᱱᱚᱣᱟ ᱠᱟ.ᱢᱤ ᱦᱚᱨᱟ ᱠᱚ ᱦᱚᱸ ᱦᱩᱭ ᱥᱟ.ᱛᱮᱱᱟ ᱾