Biography of Professor Digambar Hansda | पद्म श्री दिगम्बर हाॅंसदा

 

ᱢᱟᱱᱚᱛᱟᱱ ᱫᱤᱜᱟᱢᱵᱟᱨ ᱦᱟᱸᱥᱫᱟᱜ ᱫᱚ ᱢᱤᱫ ᱥᱟᱶᱛᱟ ᱫᱩᱞᱟ.ᱲᱤᱭᱟ. ᱟᱨ ᱥᱟᱶᱦᱮᱫ ᱪᱚᱨᱪᱟ ᱤᱫᱤ ᱠᱟᱛᱮ ᱵᱟ.ᱲᱛᱤᱭ ᱵᱟᱰᱟᱭᱚᱜ ᱠᱟᱱᱟ ᱾ ᱟ.ᱠᱤᱱᱟᱜ ᱠᱟ.ᱢᱤ ᱫᱚ ᱡᱟᱭ ᱡᱩᱜ ᱥᱟᱶᱛᱟᱭ ᱩᱭᱦᱟ.ᱨ ᱫᱚᱦᱚᱠᱟᱜᱼᱟ ᱾ ᱥᱟᱱᱛᱟᱲᱤ ᱯᱟ.ᱨᱥᱤ ᱨᱤᱱᱤᱡ ᱜᱟ.ᱠᱷᱩᱲ ᱟᱨ ᱞᱟᱥᱮᱨ ᱦᱟᱛᱟᱝ ᱦᱚᱲ ᱠᱤᱱ ᱛᱟᱦᱮᱸ ᱞᱮᱱᱟ ᱾ ᱟ.ᱠᱤᱱᱟᱜ ᱡᱟᱱᱟᱢ ᱫᱚ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱱᱟᱝ ᱥᱟᱱᱟᱝ ᱥᱤᱢᱵᱷᱩᱢ ᱡᱤᱞᱟ. ᱫᱚᱵᱷᱟᱯᱟ.ᱱᱤ ᱟ.ᱛᱩ ᱨᱮ ᱑᱖ ᱚᱠᱴᱩᱵᱚᱨ ᱑᱙᱓᱙ ᱨᱮᱭ ᱦᱩᱭ ᱞᱮᱱᱟ ᱾ ᱟᱭᱚ ᱧᱩᱛᱩᱢ ᱫᱚ ᱥᱩᱨᱩᱵᱟ.ᱞᱤ ᱟᱨ ᱵᱟᱵᱟ ᱧᱩᱛᱩᱢ ᱫᱚ ᱥᱚᱢᱟᱭ ᱦᱟᱸᱥᱫᱟᱜ ᱛᱟᱦᱮᱸᱠᱟᱱᱟ ᱾ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱨᱟᱡᱽᱫᱚᱦᱟ ᱠᱷᱮᱨᱣᱟᱲ ᱢᱤᱰᱤᱞ ᱤᱥᱠᱩᱞ ᱠᱷᱚᱱ ᱦᱩᱭᱞᱮᱱᱟ ᱾ ᱮᱱᱟ. ᱯᱚᱨᱮ ᱢᱟᱱᱯᱩᱨ ᱤᱥᱠᱩᱞ ᱠᱷᱚᱱ ᱑᱙᱕᱗ ᱥᱟᱞ ᱨᱮ ᱢᱮᱴᱨᱤᱠ ᱮ ᱯᱟᱥ ᱠᱮᱫᱟ ᱾ ᱴᱟᱴᱟ ᱠᱚᱞᱮᱡ ᱪᱟᱭᱵᱟᱥᱟ ᱠᱷᱚᱱ ᱑᱙᱖᱓ ᱨᱮ B.A ᱯᱟᱥ ᱠᱟᱛᱮ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟ. ᱜᱟᱲ ᱠᱷᱚᱱ ᱑᱙᱖᱕ ᱨᱮ ᱨᱟᱡᱽᱱᱤᱛᱤ ᱵᱤᱜᱽᱭᱟᱱ ᱛᱮ M.A ᱯᱟᱥ ᱠᱮᱫᱟ ᱾

ᱟ.ᱠᱤᱱᱟᱜ ᱠᱟ.ᱢᱤ ᱡᱤᱭᱚᱱ ᱫᱚ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱤᱨᱤ ᱢᱮᱢᱚᱨᱤᱭᱟᱞ ᱠᱚᱞᱮᱡ ᱠᱚᱨᱚᱱᱰᱤ ᱵᱮᱱᱟᱣ ᱨᱮ ᱟ.ᱠᱤᱱᱟᱜ ᱮᱱᱮᱢ ᱟ.ᱰᱤ ᱥᱟᱨᱦᱟᱣ ᱜᱮ ᱛᱟᱦᱮᱸ ᱞᱮᱱᱟ, ᱱᱟᱣᱟ ᱚᱠᱛᱚ ᱨᱮ ᱟ.ᱠᱤᱱ ᱦᱚᱸ ᱢᱟᱪᱮᱛ ᱞᱮᱠᱟ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟ.ᱨᱥᱤ ᱛᱮ ᱯᱩᱭᱞᱩ ᱱᱚᱣᱟ ᱠᱚᱞᱮᱡ ᱠᱷᱚᱱ ᱜᱮ ᱯᱟᱲᱦᱟᱣ ᱮᱦᱚᱵ ᱞᱮᱫᱟ ᱠᱤᱱ ᱟᱨ ᱱᱚᱣᱟ ᱠᱚᱞᱮᱡ ᱨᱮᱜᱮ ᱯᱤᱨᱤᱱᱥᱤᱯᱟᱞ ᱞᱮᱠᱟ‌ ᱛᱮᱠᱤᱱ ᱛᱟᱦᱮᱸ ᱠᱟᱱᱟ ᱱᱚᱰᱮ ᱠᱷᱚᱱ ᱜᱮ ᱠᱟ.ᱢᱤ ᱠᱷᱚᱱ ᱦᱚᱸ ᱠᱤᱱ ᱡᱤᱨᱟ.ᱣ ᱞᱮᱱᱟ ᱾ ᱮᱱᱠᱟᱭᱮ ᱨᱮᱦᱚᱸ ᱜᱷᱟ.ᱴᱥᱤᱞᱟ ᱠᱚᱞᱮᱡ ᱨᱮ ᱪᱟᱞᱟᱣ ᱠᱟᱛᱮ ᱟ.ᱵᱚ ᱥᱟᱱᱛᱟᱲ ᱜᱤᱫᱽᱨᱟ. ᱠᱚ ᱥᱟᱱᱛᱟᱲᱤ ᱯᱟ.ᱨᱥᱤ ᱛᱮᱠᱤᱱ ᱥᱮᱪᱮᱫᱮᱫ ᱠᱚ ᱛᱟᱦᱮᱸᱫ ᱾

ᱯᱟ.ᱴᱷᱣᱟ. ᱡᱤᱭᱚᱱ ᱠᱷᱚᱱ ᱑᱙᱕᱖ ᱥᱮᱨᱢᱟ ᱨᱮ ᱪᱟᱭᱵᱟᱥᱟ ᱠᱷᱚᱱ `ᱟᱦᱞᱟ` ᱯᱟᱛᱷᱟᱢ ᱠᱤᱱ ᱟᱰᱚᱠᱮᱫ ᱛᱟᱦᱮᱸᱫ ᱾ ᱱᱚᱣᱟ ᱯᱟᱛᱷᱚᱢ ᱫᱚ ᱱᱚᱰᱮ ᱨᱤᱱ ᱯᱟ.ᱴᱷᱣᱟ. ᱜᱮᱠᱚ ᱚᱰᱚᱠᱮᱫ ᱛᱟᱦᱮᱸᱫ ᱾ ᱚᱱᱟ ᱥᱟᱣᱛᱮ ᱟᱨᱦᱚᱸ ᱵᱟᱨᱭᱟ ᱯᱟᱛᱷᱟᱢ ᱟᱨᱚᱱᱭᱟᱠ ᱟᱨ ᱡᱟᱦᱮᱨ ᱜᱟᱲ ᱑᱙᱙᱑ ᱥᱟᱞ ᱨᱮ ᱚᱱᱰᱮᱱ ᱦᱚᱸ ᱥᱟᱯᱲᱮᱛ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱟ.ᱠᱤᱱᱟᱜ ᱠᱩᱨᱩ ᱢᱩᱴᱩ ᱛᱮ ᱦᱚᱠᱦᱤᱛ ᱨᱮ ᱤᱨᱟ.ᱞ ᱟᱱᱟᱜ ᱫᱷᱟᱯ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤ ᱥᱮᱞᱮᱫ ᱞᱮᱱᱟ ᱚᱱᱟ ᱥᱟᱣᱛᱮ ᱦᱚᱠᱦᱤᱛ ᱨᱮᱱᱟᱜ ᱥᱟᱱᱛᱟᱲᱤ ᱯᱟ.ᱨᱥᱤ ᱛᱮᱠᱤᱱ ᱛᱚᱨᱡᱚᱢᱟ ᱞᱮᱫᱼᱟ ᱾ ᱟᱡ ᱫᱚ ᱟ.ᱰᱤᱜᱟᱱ ᱯᱟ.ᱨᱥᱤ ᱨᱤᱱᱤᱡ ᱯᱟ.ᱨᱩᱠᱷᱤᱭᱟ. ᱦᱚᱭ ᱛᱟᱦᱮᱸ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟ.ᱨᱥᱤ ᱞᱟᱦᱟᱜ ᱜᱟ.ᱜᱤᱫ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱮᱱᱰᱤᱠᱮᱴ ᱢᱮᱢᱵᱟᱨ ᱦᱚᱸ ᱠᱤᱱ ᱛᱟᱦᱮᱸ ᱠᱟᱱᱟ ᱾ Inter ᱟᱨ B.A Course ᱞᱟ.ᱜᱤᱫ Ranchi University Ranchi ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤ ᱛᱮ ᱯᱟᱲᱦᱟᱣᱚᱜ ᱞᱟ.ᱜᱤᱫ ᱯᱚᱛᱚᱵ ᱠᱚ ᱠᱤᱱ ᱵᱮᱱᱟᱣ ᱞᱮᱫᱼᱟ ᱾ ᱟᱡᱟᱜ ᱟ.ᱰᱤᱜᱮ ᱫᱟᱢᱟᱱ ᱠᱟ.ᱨᱫᱷᱟ.ᱱᱤ ᱟᱨ ᱟᱭᱢᱟ ᱢᱟ.ᱱ ᱥᱤᱨᱯᱷᱟ. ᱠᱚᱦᱚᱭ ᱧᱟᱢ ᱟᱠᱟᱫᱼᱟ, ᱚᱱᱟ ᱢᱩᱫᱨᱮ ᱒᱖ ᱡᱟᱱᱣᱟᱨᱤ ᱒᱐᱑᱘ (᱖᱙ ᱜᱚᱱᱛᱚᱱᱛᱨᱚ ᱫᱤᱣᱚᱥ) ᱨᱮ ᱨᱟᱥᱴᱚᱯᱩᱛᱤ ᱨᱟᱢᱱᱟᱛᱷ ᱠᱚᱣᱤᱱᱫ ᱴᱷᱮᱱ ᱠᱷᱚᱱ ᱯᱚᱫᱢᱥᱤᱨᱤ ᱥᱤᱨᱯᱷᱟ. ᱥᱟᱶᱦᱮᱫ ᱟᱨ ᱥᱮᱪᱮᱫ ᱪᱮᱛᱟᱱ ᱥᱤᱨᱯᱷᱟ. ᱠᱤᱱ ᱧᱟᱢ ᱞᱮᱫᱼᱟ᱾ ᱟᱵᱚ ᱥᱟᱱᱛᱟᱲ ᱦᱚᱲ ᱠᱚ ᱩᱛᱷᱱᱟ. ᱞᱟ.ᱜᱤᱫ ᱥᱮᱪᱮᱫ ᱪᱮᱛᱟᱱ ᱨᱮ ᱟᱭᱢᱟ ᱮᱱᱮᱢ ᱛᱟᱦᱮ ᱠᱟᱱ ᱛᱟ.ᱠᱤᱱᱟ ᱾ ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮᱱᱟᱝ ᱧᱩᱛᱩᱢᱟᱱ ᱜᱟᱶᱛᱟ ᱡᱟᱦᱮᱨ ᱛᱷᱟᱱ ᱠᱩᱢᱤᱴᱤ ᱟᱨ ᱜᱩᱨᱩ ᱜᱚᱢᱠᱮ ᱯᱚᱸ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱮᱠᱟᱰᱢᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱠᱤᱱ ᱛᱟᱦᱮᱸ ᱠᱟᱱᱟ ᱾ ᱟ.ᱠᱤᱱᱟᱜ ᱚᱱᱚᱞᱤᱭᱟ. ᱡᱤᱭᱚᱱ ᱨᱮ ᱟᱭᱢᱟ ᱯᱚᱛᱚᱵ ᱠᱚ ᱠᱤᱱ ᱚᱞ ᱟᱠᱟᱫᱼᱟ ----

᱑. ᱥᱟᱨᱱᱟ

᱒. ᱥᱟᱱᱛᱟᱞᱤ ᱜᱟᱫᱽᱭ ᱯᱟᱫᱽᱭ ᱥᱟᱝᱜᱨᱟᱦ-᱑᱙᱘᱕

᱓. ᱵᱷᱟᱨᱚᱛᱮᱨ ᱞᱚᱣᱠᱤᱠ ᱫᱮᱵᱚᱫᱮᱣ

᱔. ᱥᱟᱱᱛᱟᱞᱤ ᱞᱚᱠ ᱠᱟᱛᱷᱟ

᱕. ᱥᱟᱱᱛᱟᱲᱤ ᱦᱚᱲ ᱠᱟ.ᱦᱱᱤ ᱨᱮᱱᱟᱝ ᱜᱟᱭᱷᱟᱣ

᱖. ᱜᱟᱞᱟᱝ ᱢᱟᱞᱟ ᱒᱐᱑᱑ ᱨᱮ ᱪᱷᱟᱯᱟ ᱯᱟᱨᱥᱟᱞ ᱞᱮᱫᱟᱭ ᱾ ᱟ.ᱠᱤᱱᱟᱜ ᱡᱤᱣᱤ ᱫᱚ ᱵᱚᱸᱜᱟ ᱫᱤᱥᱚᱢ ᱨᱮ ᱢᱟ.ᱦᱤᱛ ᱑᱙ ᱱᱚᱵᱮᱢᱵᱚᱨ ᱒᱐᱒᱐ ᱨᱮ ᱢᱮᱥᱟᱭᱮᱱᱟ ᱾ ᱟ.ᱠᱤᱱᱟᱜ ᱛᱷᱩᱢ ᱟᱵᱚ ᱥᱟᱶᱛᱟ ᱨᱮ ᱡᱟᱭᱡᱩᱜ ᱡᱤᱭᱟ.ᱲ ᱜᱮ ᱛᱟᱦᱮᱸ ᱠᱚᱜ ᱢᱟ ᱟᱨ ᱥᱟᱶᱛᱟ ᱦᱚᱸ ᱡᱟᱭᱡᱩᱜ ᱟ.ᱠᱤᱱᱟᱜ ᱠᱟ.ᱢᱤ ᱞᱟ.ᱜᱤᱱ ᱛᱮ ᱫᱷᱟ.ᱨᱛᱤᱭ ᱛᱟᱦᱮᱸᱭᱮᱱᱟ ᱾