Birsa Munda | ᱵᱤᱨᱥᱟ. ᱢᱩᱱᱰᱟ. ᱦᱟᱜ ᱠᱷᱟᱴᱚ ᱩᱯᱨᱩᱢ

 

ᱡᱷᱟᱨᱠᱷᱚᱱᱰ ᱯᱚᱱᱚᱛ ᱨᱮ ᱢᱮᱱᱟᱜ ᱨᱟ:ᱪᱤ ᱟᱨ ᱚᱱᱟ ᱫᱷᱟᱨᱮ ᱯᱟᱥᱮ ᱠᱚᱨᱮ ᱦᱚᱲ ᱦᱚᱯᱚᱱ ᱟ.ᱫᱤᱵᱟ.ᱥᱤ ᱠᱚ ᱛᱟᱦᱮᱸᱱᱟ ᱾ ᱩᱱᱠᱩ ᱵᱷᱤᱛᱤᱨ ᱠᱷᱚᱱ ᱢᱩᱱᱰᱟ ᱢᱤᱫ ᱡᱟ.ᱛ ᱨᱤᱱ ᱦᱚᱲ ᱠᱟᱱᱟ ᱠᱚ᱾ ᱨᱟᱺᱪᱤ ᱡᱤᱞᱟ. ᱨᱮᱱᱟᱝ ᱢᱤᱫ ᱟ.ᱛᱩ ᱾ ᱧᱩᱛᱩᱢ ᱩᱞᱤ ᱦᱟ.ᱛᱩ ᱾ ᱰᱤᱨᱥᱟ ᱢᱩᱱᱰᱟ. ᱫᱚ ᱢᱟ.ᱦᱤᱛ ᱑᱕-᱑᱑-᱑᱘᱗᱕ ᱥᱟᱞᱮ ᱨᱮ ᱩᱞᱤ ᱦᱟ.ᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾

ᱵᱤᱨᱥᱟ ᱢᱩᱱᱰᱟ. ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱥᱩᱜᱽᱱᱟ. ᱢᱩᱱᱰᱟ ᱾ ᱮᱸᱜᱟᱛ ᱛᱮᱫᱟᱜ ᱧᱩᱛᱩᱢ ᱫᱚ ᱠᱟ.ᱨᱢᱤ ᱢᱩᱱᱰᱟ ᱾ ᱥᱩᱜᱽᱱᱟ. ᱢᱩᱱᱰᱟ. ᱛᱮᱠᱚ ᱫᱚᱠᱚ ᱯᱮ ᱵᱚᱭᱦᱟᱜᱼᱟ᱾ ᱢᱟᱨᱟᱝ ᱤᱡᱟᱜ ᱧᱩᱛᱩᱢ ᱫᱚ ᱠᱟ.ᱬᱩ ᱢᱩᱱᱰᱟ. ᱾ ᱛᱟᱞᱟᱭᱤᱡᱟᱜ ᱧᱩᱛᱩᱢ ᱫᱚ ᱱᱩᱜᱽᱱᱟ. ᱢᱩᱱᱰᱟ. ᱟᱨ ᱦᱩᱰᱤᱧᱤᱡ ᱫᱚ ᱯᱚᱨᱱᱟ ᱢᱩᱱᱰᱟ. ᱾

ᱥᱩᱜᱽᱱᱟ. ᱢᱩᱱᱰᱟ. ᱨᱤᱱ ᱫᱚ ᱢᱚᱬᱮ ᱜᱚᱴᱟᱝ ᱜᱤᱫᱽᱨᱟ. ᱠᱚ ᱛᱟᱦᱮᱸ ᱠᱟᱱᱟ ᱾ ᱧᱩᱛᱩᱢ ᱛᱟᱠᱚ ᱫᱚ ᱠᱚᱱᱛᱚ ᱢᱩᱱᱰᱟ. ᱫᱮᱣᱠᱤᱨ ᱢᱩᱱᱰᱟ. ᱪᱟᱢᱯᱟ ᱢᱩᱱᱰᱟ.᱾ ᱵᱤᱨᱥᱟ. ᱢᱩᱱᱰᱟ. ᱫᱚ ᱯᱮ ᱦᱚᱲ ᱠᱷᱚᱱ ᱦᱩᱰᱤᱧᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱ ᱚᱠᱛᱚ ᱫᱚ ᱨᱟᱺᱪᱤ ᱡᱤᱞᱟ. ᱮᱢᱟᱱ ᱠᱚᱨᱮ ᱫᱚ ᱠᱨᱤᱥᱛᱟᱱ ᱫᱷᱚᱨᱚᱢ ᱜᱮ ᱪᱷᱟᱨᱟᱣ ᱪᱟᱵᱟ ᱟᱠᱟᱫ ᱛᱟᱦᱮᱸᱫᱚᱜ ᱾

• ᱜᱤᱫᱽᱨᱟ. ᱚᱠᱛᱮ---

ᱜᱤᱫᱽᱨᱟ. ᱚᱠᱛᱚ ᱫᱚ ᱵᱤᱨᱥᱟ. ᱪᱟᱞᱠᱟᱫ ᱟ.ᱛᱩ ᱨᱮᱭ ᱦᱟᱨᱟ ᱞᱮᱱᱟ ᱾ ᱮᱴᱟᱜ ᱜᱤᱫᱽᱨᱟ. ᱠᱚ ᱞᱮᱠᱟ ᱜᱮ ᱩᱱᱤ ᱦᱚᱸ ᱵᱷᱤᱰᱤ, ᱢᱮᱨᱚᱢ, ᱰᱟ.ᱭᱨᱤ ᱠᱚᱭ ᱜᱩᱯᱤ ᱠᱚ ᱛᱟᱦᱮᱸᱫ ᱾ ᱚᱲᱟᱜ ᱨᱮᱱᱟᱝ ᱚᱵᱚᱥᱛᱟ ᱠᱚ ᱵᱩᱜᱤ ᱵᱟᱝ ᱛᱟᱦᱮᱸ ᱞᱮᱱ ᱠᱷᱟᱱ.ᱛᱤᱨ ᱛᱮ ᱟᱡ ᱟᱭᱚ-ᱵᱟᱵᱟ ᱢᱟᱢᱚ ᱚᱲᱟᱜ ᱛᱮᱠᱤᱱ ᱤᱫᱤ ᱠᱟᱫᱮᱭᱟ ᱾ ᱩᱱᱫᱚ ᱢᱚᱬᱮ ᱥᱮᱨᱢᱟ ᱜᱟᱱ ᱜᱮᱭ ᱛᱟᱦᱮᱸ ᱞᱮᱱᱟ ᱾

ᱟᱡ ᱠᱟ.ᱠᱤ ᱚᱲᱟᱜ ᱠᱷᱚᱱ ᱜᱮ ᱰᱟ.ᱭᱨᱤ ᱢᱮᱨᱚᱢ ᱜᱩᱯᱩ-ᱜᱩᱯᱤ ᱚᱠᱛᱚ ᱜᱮ ᱚᱞ ᱯᱟᱲᱦᱟᱣ ᱨᱮᱱᱟᱝ ᱚᱨᱥᱚᱝ ᱦᱮᱡ ᱟᱫᱮᱭᱟ ᱾ ᱚᱛ ᱠᱚᱨᱮᱜᱮᱭ ᱜᱟᱨ ᱵᱟᱲᱟᱭ ᱛᱟᱦᱮᱸ, ᱟᱡ ᱴᱷᱮᱱ ᱥᱤᱞᱚᱴ, ᱞᱟᱪᱷᱟ ᱠᱚ ᱚᱱᱠᱟ ᱱᱟᱜ ᱪᱮᱫ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ ᱚᱱᱟ ᱛᱮ ᱚᱛ ᱨᱮᱜᱮ ᱜᱟᱨ ᱵᱟᱲᱟ ᱛᱮᱭ ᱞᱟᱵᱟᱫᱷᱤᱭᱟ.ᱣ ᱠᱚᱜ ᱛᱟᱦᱮᱱ ᱚᱠᱟ ᱚᱠᱛᱚ ᱢᱟ ᱪᱟ.ᱥᱤ ᱠᱤᱥᱟ.ᱬᱟᱜ ᱪᱟᱥ ᱟᱵᱟᱫ ᱠᱚᱭ ᱡᱚᱢ ᱚᱪᱚ ᱞᱮᱫ ᱚᱱᱟ ᱠᱷᱟᱱ.ᱛᱤᱨ ᱠᱤᱥᱟ.ᱬ ᱴᱷᱮᱱ ᱠᱷᱚᱱ ᱫᱟᱞᱮ ᱯᱟᱲᱟᱣ ᱞᱮᱫᱼᱟ ᱾

• ᱨᱩᱥᱤᱠᱟ ᱦᱚᱲ ᱞᱮᱠᱟᱱ---

ᱵᱤᱨᱥᱟ. ᱢᱩᱱᱰᱟ. ᱫᱚ ᱟ.ᱰᱤ ᱜᱮ ᱨᱩᱥᱤᱠᱟ ᱦᱚᱲ ᱠᱤᱱ ᱛᱟᱦᱮᱸ ᱠᱟᱱᱟ ᱥᱚᱝᱜᱮ ᱛᱮ ᱟᱡ ᱥᱟᱶ ᱛᱤᱨᱭᱚᱣ ᱛᱟᱭ ᱛᱟᱦᱮᱸ ᱠᱚᱜ ᱛᱟᱦᱮᱸ ᱚᱠᱟ-ᱚᱠᱟ ᱚᱠᱛᱚ ᱛᱤᱨᱭᱚᱣ ᱚᱨᱚᱝ ᱨᱮᱭ ᱞᱟᱵᱟ ᱫᱷᱤᱭᱟ.ᱣ ᱠᱚᱜᱼᱟ ᱜᱩᱯᱤ ᱜᱚᱴ-ᱜᱚᱴ ᱰᱟᱺᱜᱨᱤ ᱠᱚᱭ ᱟᱫ ᱪᱟᱵᱟᱠᱮᱫ ᱠᱚᱣᱟ ᱾ ᱚᱲᱟᱜ ᱨᱮ ᱟᱡ ᱠᱟᱠᱟᱭ ᱮᱜᱮᱨᱮᱭᱟ ᱟᱢ ᱫᱚ ᱜᱩᱯᱤᱢ ᱪᱟᱞᱟᱣ ᱟᱠᱟᱱᱟ ᱪᱮ ᱫᱟᱲᱟᱱ ᱾ ᱟᱨᱮ ᱫᱟᱞ ᱠᱮᱫᱮᱭᱟ ᱟᱨᱮ ᱢᱮᱛᱟᱭ ᱠᱟᱱᱟ ᱰᱟᱺᱜᱽᱨᱤ ᱢᱮᱨᱚᱢ ᱟ.ᱣᱨᱤᱢ ᱧᱟᱢ ᱠᱚ ᱵᱷᱩᱨ ᱚᱲᱟᱜ ᱟᱞᱚᱢ ᱨᱩᱣᱟ.ᱲᱟ ᱾ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱵᱤᱨᱥᱟ. ᱟ.ᱰᱤ ᱟᱸᱴᱮ ᱫᱩᱠ ᱮᱱᱟ ᱟᱨ ᱨᱟᱜ ᱠᱟᱛᱮ ᱰᱟᱺᱜᱽᱨᱤ ᱢᱮᱨᱚᱢ ᱯᱟᱱᱛᱮᱭ ᱪᱟᱞᱟᱣᱮᱱᱟ ᱾ ᱨᱟᱜ ᱱᱮᱫᱟᱦᱟ ᱠᱷᱚᱱ ᱢᱮᱫ ᱫᱟᱜ ᱦᱚᱨᱚᱜ ᱠᱟᱱᱟ ᱧᱮᱞ ᱛᱮ ᱢᱟᱫᱚ ᱥᱟᱶ ᱮ ᱧᱟᱯᱟᱢ ᱮᱱᱟ᱾ ᱢᱟᱫᱟᱭ ᱢᱮᱱ ᱠᱮᱫᱼᱟ ᱪᱮᱫᱟᱜ ᱮᱢ ᱨᱟᱜᱮᱫᱼᱟ ᱫᱟᱫᱟ ᱾ ᱟᱫᱚᱭ ᱞᱟ.ᱭᱟᱫᱮᱭᱟ ᱰᱟᱺᱜᱽᱨᱤ ᱜᱚᱴ ᱠᱷᱚᱱ ᱠᱚ ᱟᱫ ᱮᱱ ᱠᱷᱟᱱ.ᱛᱤᱨ ᱤᱧ ᱦᱩᱰᱤᱧ ᱵᱟᱵᱟ ᱥᱚᱠᱛᱚᱭ ᱫᱟᱞ ᱟᱠᱟᱫᱤᱧᱟ ᱟᱨᱮ ᱢᱤᱛ.ᱧ ᱠᱟᱱᱟ ᱰᱟᱺᱭᱨᱤ ᱠᱚ ᱟ.ᱣᱨᱤᱢ ᱧᱟᱢ ᱠᱚ ᱵᱷᱩᱨ ᱚᱲᱟᱜ ᱛᱮ ᱟᱞᱚᱢ ᱨᱩᱣᱟ.ᱲᱟ ᱾ ᱚᱱᱠᱟᱛᱮ ᱟᱫᱚ ᱵᱟᱱᱟᱦᱟᱲ ᱰᱟᱺᱭᱨᱤ ᱯᱟᱱᱛᱮ ᱠᱤᱱ ᱪᱟᱞᱟᱣ ᱮᱱᱟ ᱾ ᱯᱟᱱᱛᱮ ᱡᱚᱠᱷᱚᱱ ᱦᱚᱨ ᱨᱮ ᱟᱡ ᱫᱟᱫᱟ ᱦᱚᱲ ᱦᱩᱜᱟ.ᱭ ᱥᱟᱶ ᱮ ᱧᱟᱯᱟᱢ ᱮᱱᱟ ᱾ ᱟᱡ ᱫᱟᱫᱟ ᱥᱟᱱᱟᱢ ᱠᱟᱛᱷᱟ ᱠᱚᱭ ᱞᱟ.ᱭᱟᱫᱮᱭᱟ ᱟᱫᱚ ᱟᱡ ᱦᱚᱸ ᱫᱟᱫᱟ ᱥᱟᱶ ᱜᱮᱭ ᱛᱟᱦᱮᱸ ᱭᱮᱱᱟ ᱠᱩᱸᱫᱤ ᱟ.ᱛᱩ ᱨᱮ ᱾ ᱚᱸᱰᱮᱠᱷᱚᱱ ᱜᱮ ᱯᱟᱲᱦᱟᱣ ᱫᱚᱭ ᱪᱮᱫ ᱠᱮᱫᱼᱟ ᱾

• ᱢᱤᱥᱚᱱᱟ.ᱨᱤ ᱨᱮ ᱵᱚᱞᱚᱱ ᱚᱡᱮ ---

ᱦᱩᱜᱟ.ᱭ ᱥᱟᱶ ᱧᱟᱯᱟᱢ ᱯᱚᱨᱮ ᱵᱤᱨᱥᱟ. ᱫᱚ ᱢᱤᱥᱚᱱᱟ.ᱨᱤ ᱤᱥᱠᱩᱞ ᱛᱮᱭ ᱤᱫᱤ ᱠᱟᱫᱮᱭᱟ ᱾ ᱢᱩᱜᱟ.ᱭ ᱫᱚ ᱦᱚᱲ ᱠᱚᱭ ᱧᱟᱢ ᱠᱚ ᱛᱟᱦᱮᱸᱫ ᱟᱨᱮ ᱠᱤᱨᱤᱥᱛᱟᱱ ᱫᱷᱚᱨᱚᱢ ᱢᱟᱱᱟᱣ ᱚᱪᱚᱭᱮᱫ ᱠᱚ ᱛᱟᱦᱮᱸᱫ ᱾ ᱵᱤᱨᱥᱟ. ᱫᱚ ᱡᱩᱜᱟ.ᱭ ᱫᱟᱫᱟ ᱠᱤᱞᱤ ᱠᱮᱫᱮᱭᱟ ᱢᱤᱥᱚᱱᱟᱨᱤ ᱤᱥᱠᱤᱞ ᱨᱮ ᱯᱟᱲᱦᱟᱣ ᱠᱷᱟᱱ ᱪᱮᱫ ᱠᱤᱨᱤᱥ ᱛᱟᱱ ᱦᱩᱭᱩᱜᱼᱟ ᱟᱫᱚᱭ ᱞᱟ.ᱭ ᱠᱮᱫᱼᱟ ᱵᱟᱦᱨᱮ ᱫᱚ ᱩᱱᱠᱩ ᱛᱩᱞᱩᱡ ᱠᱤᱨᱤᱥᱛᱟᱱ ᱜᱮ ᱱᱮᱞᱚᱜ ᱢᱮ ᱢᱚᱱᱮ ᱛᱮᱫᱟ ᱢᱟᱨᱟᱝ ᱵᱩᱨᱩ ᱴᱷᱮᱱ ᱜᱮ ᱱᱮᱦᱚᱨᱚᱜ ᱢᱮ ᱾ ᱟ.ᱠᱤᱞ ᱟᱨᱡᱟᱣ ᱠᱷᱟᱱ.ᱛᱤᱨ ᱵᱤᱨᱥᱟ. ᱫᱚ ᱠᱤᱨᱤᱥᱛᱟᱱ ᱠᱚᱣᱟᱜ ᱦᱤᱥᱟ. ᱵᱷᱟᱵ ᱟᱨ ᱵᱟ.ᱲᱤᱡ ᱱᱚᱡᱚᱨ ᱛᱮᱠᱚ ᱧᱮᱞᱮ ᱠᱟᱱ ᱛᱟᱦᱮᱱ ᱢᱮᱱ ᱠᱷᱟᱱ ᱵᱤᱨᱥᱟ. ᱫᱚ ᱟᱡᱟᱜ ᱩᱭᱦᱟᱨ.ᱨ ᱞᱮᱠᱟᱛᱮ ᱚᱞ ᱯᱟᱦᱲᱣ ᱠᱚᱭ ᱥᱟ.ᱛ ᱤᱫᱤᱠᱮᱫᱼᱟ ᱮᱴᱟᱜ ᱠᱚ ᱛᱩᱞᱩᱡ ᱚᱵᱚ ᱦᱚᱲ ᱠᱚ ᱵᱟ.ᱲᱤᱡ ᱱᱚᱡᱚᱨ ᱠᱷᱟ.ᱛᱤᱨ ᱚᱱᱟ ᱢᱤᱥᱚᱱᱟ.ᱨᱤ ᱠᱷᱚᱱ ᱩᱪᱟ.ᱲ ᱠᱟᱛᱮ ᱪᱟᱸᱭᱵᱟᱥᱟ ᱡᱚᱨᱢᱟᱱ ᱢᱤᱥᱚᱱᱟ.ᱨᱤ ᱤᱥᱠᱩᱞ ᱛᱮ ᱢᱟᱹᱦᱤᱛ ᱗ᱼ᱕ᱼ᱑᱘᱘᱖ ᱥᱟᱞ ᱨᱮᱠᱚ ᱵᱷᱮᱡᱟ ᱠᱟᱫᱮᱭᱟ ᱾ ᱢᱮᱱ ᱠᱷᱟᱱ ᱟᱵᱚ ᱫᱷᱚᱨᱚᱢ ᱦᱚᱲ ᱠᱚᱫᱚ ᱵᱟᱝ ᱠᱚ ᱠᱩᱥᱤ ᱭᱟᱠᱚ ᱠᱟᱱ ᱛᱟᱦᱮᱸᱫ ᱾ ᱵᱟ.ᱭ-ᱵᱟ.ᱭ ᱛᱮ ᱵᱩᱜᱤ ᱵᱟᱝ.ᱲᱤᱡ ᱠᱟᱛᱷᱟ ᱠᱚᱭ ᱩᱨᱩᱢ ᱧᱟᱢ ᱠᱮᱫᱼᱟ ᱾ ᱚᱱᱰᱮ ᱫᱚ ᱱᱟᱭᱱᱚᱨ ᱦᱟ.ᱨᱤᱡ ᱮ ᱯᱟᱲᱦᱟᱣᱮᱱᱟ ᱾

• ᱫᱷᱤ ᱫᱟᱲᱮ ᱟᱨ ᱵᱤᱨᱥᱟ. ---

᱑᱘᱙᱑ ᱠᱷᱚᱱ ᱑᱘᱙᱔ ᱥᱟᱨ ᱨᱮᱱᱟᱝ ᱠᱟᱛᱷᱟ ᱠᱟᱱᱟ ᱵᱤᱨᱥᱟ. ᱢᱩᱱᱰᱟ ᱫᱚ ᱚᱱᱚᱱᱫᱚ ᱯᱟᱱᱰᱮ ᱥᱟᱶ ᱧᱟᱯᱟᱢ ᱨᱮᱱᱟᱝ ᱫᱟᱣᱮ ᱧᱟᱢ ᱠᱮᱫᱼᱟ, ᱩᱱᱤᱥᱟᱶ ᱧᱟᱯᱟᱢ ᱯᱚᱨᱮ ᱩᱱᱤᱭᱟᱜ ᱠᱟᱛᱷᱟ ᱠᱚᱭ ᱩᱭᱦᱟᱨ.ᱨ ᱵᱷᱟᱵᱱᱟ ᱡᱚᱝ ᱠᱟᱱᱟ ᱡᱮ ᱟᱵᱚᱣᱟᱜ ᱥᱟᱶᱛᱟ ᱥᱚᱢᱟᱡ ᱞᱟᱠᱪᱟᱨ ᱡᱮᱛᱮᱭᱟᱜ ᱜᱮ ᱪᱷᱤᱛᱤ ᱵᱤᱛᱤᱜ ᱠᱟᱱᱟ ᱾ ᱪᱮᱠᱟᱛᱮ ᱱᱚᱣᱟ ᱠᱚ ᱡᱚᱜᱟᱣ ᱫᱚᱦᱚ ᱦᱩᱭᱩᱜᱼᱟ᱾ ᱱᱚᱣᱟ ᱠᱟᱛᱷᱟ ᱠᱚ ᱩᱭᱦᱟᱨ.ᱨ-ᱩᱭᱦᱟ.ᱨ ᱛᱮᱭ ᱵᱩᱞᱪᱟᱵᱟ ᱞᱮᱱᱟ ᱡᱚᱢ ᱧᱩ ᱠᱚᱭ ᱦᱤᱲᱤᱧ ᱞᱮᱫᱼᱟ ᱾

ᱫᱷᱚᱨᱚᱢ ᱨᱚᱨᱮᱱᱟᱝ ᱠᱟᱛᱷᱟ ᱯᱟᱺᱡᱟᱭ ᱞᱟ.ᱜᱤᱫ ᱛᱮ ᱠᱟᱨᱟᱢ ᱵᱤᱱᱛᱤ ᱠᱚᱭ ᱯᱟᱲᱦᱟᱣ ᱠᱮᱫᱼᱟ ᱛᱤᱱᱟ.ᱜ ᱫᱤᱱ ᱪᱚ ᱜᱩᱨᱩ ᱠᱚ ᱥᱟᱶᱮ ᱧᱟᱯᱟᱢ ᱵᱟᱲᱟᱭᱮᱱᱟ ᱾

• ᱑᱘᱙᱔ ᱨᱮᱱᱟᱝ ᱢᱤᱫ ᱦᱟᱦᱟᱲᱟ ᱜᱷᱚᱴᱚᱱ ---

ᱢᱮᱱᱟᱠᱚ ᱢᱤᱫ ᱫᱤᱱ ᱵᱩᱨᱩ ᱵᱷᱤᱛᱤᱨ ᱵᱤᱨᱥᱟ. ᱟᱨ ᱟ.ᱡᱤᱡ ᱜᱟᱛᱮ ᱠᱚᱲᱟ ᱵᱤᱨ ᱛᱮᱠᱤᱱ ᱪᱟᱞᱟᱜ ᱠᱟᱱ ᱛᱟᱦᱮᱸᱱ ᱟᱪᱠᱟ ᱜᱮ ᱵᱤᱡᱞᱤ ᱧᱩᱨᱮᱱᱟ ᱵᱤᱨᱥᱟ. ᱪᱮᱛᱟᱱ ᱨᱮ ᱟᱨ ᱵᱤᱨᱥᱟ. ᱦᱚᱲᱢᱚ ᱢᱟᱨᱥᱟᱞᱮᱱᱟ ᱞᱮᱠᱟ ᱟ.ᱭᱠᱟ.ᱣ ᱜᱚᱫ ᱮᱱᱟ ᱟᱫᱚ ᱟ.ᱡᱤᱡ ᱜᱟᱛᱮ ᱠᱚᱲᱟ ᱫᱚ ᱟ.ᱛᱩ ᱨᱮ ᱱᱚᱣᱟ ᱜᱷᱚᱴᱚᱱ ᱠᱚᱭ ᱞᱟ.ᱭ ᱠᱮᱫᱼᱟ, ᱟ.ᱛᱩ ᱦᱚᱲ ᱫᱚ ᱵᱚᱸᱜᱟ ᱜᱮ ᱢᱤᱫ ᱢᱟ.ᱱᱢᱤ ᱨᱩᱯᱛᱮᱭ ᱦᱮᱡ ᱟᱠᱟᱱ ᱞᱮᱠᱟ ᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱫᱮᱭᱟ ᱾

ᱪᱟᱸᱫᱚ ᱵᱚᱸᱜᱟ ᱦᱟᱜ ᱠᱟᱦᱮᱫ ᱢᱮᱱᱛᱮ ᱠᱚ ᱟᱸᱜᱚᱪ ᱠᱮᱫᱼᱟ᱾

᱑᱐-᱘-᱑᱘᱙᱕ ᱨᱮᱱᱟᱝ ᱠᱟᱛᱷᱟ ᱠᱟᱱᱟ ᱢᱮᱱᱟᱠᱚ ᱢᱤᱫ ᱟᱭᱳ ᱦᱚᱲ ᱨᱩᱣᱟ.ᱜ ᱜᱤᱫᱽᱨᱟ. ᱦᱮᱵᱮ ᱠᱟᱛᱮ ᱦᱮᱡ ᱞᱮᱱᱟ ᱟᱨᱮ ᱜᱚᱫᱚᱜ ᱠᱟᱱ ᱛᱟᱦᱮᱱ ᱡᱮ ᱵᱮᱥᱠᱟᱭ ᱢᱮ ᱢᱮᱱᱛᱮ ᱾ ᱵᱤᱨᱥᱟ. ᱛᱩᱱᱤᱢ ᱠᱮᱫᱮᱭᱟᱭ ᱜᱤᱫᱽᱨᱟ. ᱠᱷᱟᱱ ᱜᱮ ᱜᱤᱫᱽᱨᱟ. ᱦᱟᱭ ᱨᱩᱣᱟ. ᱠᱟ ᱪᱟᱵᱟᱭᱮᱱᱟ ᱾ ᱱᱟᱣᱟ ᱠᱟᱛᱷᱟ ᱠᱚ ᱟᱡᱚᱢ ᱠᱟᱛᱮ ᱟᱭᱢᱟ ᱦᱚᱲ ᱠᱚ ᱦᱮᱡ ᱮᱱᱟ ᱩᱣᱟ.ᱜ ᱦᱟᱨᱠᱮᱛ ᱫᱩᱠᱷ ᱫᱟᱺᱫᱷᱤ ᱦᱚᱲ ᱠᱚ ᱡᱚᱛᱚ ᱜᱮ ᱵᱮᱥ ᱠᱟᱛᱮ ᱠᱚ ᱨᱩᱣᱟ.ᱲᱮᱱᱲ ᱾

᱑᱘᱙᱕ ᱨᱮᱢᱟ ᱨᱮᱜᱮ ᱫᱤᱥᱚᱢ ᱨᱩᱣᱟ. ᱟ.ᱛᱩ ᱨᱮ ᱦᱮᱡ ᱮᱱᱟ ᱥᱟ.ᱟᱢ ᱦᱚᱲ ᱠᱚ ᱯᱟᱲᱟᱣᱮᱱᱟ ᱨᱩᱣᱟ.ᱜ ᱨᱮ ᱟ.ᱛᱩ ᱦᱚ ᱫᱚ ᱵᱤᱨᱥᱟ. ᱜᱮ ᱠᱚ ᱫᱚᱥ ᱠᱮᱫᱮᱭᱟ ᱡᱮ ᱱᱩᱭ ᱠᱷᱟ.ᱛᱤᱨ ᱛᱮᱜᱮ ᱦᱚᱲ ᱠᱚᱠᱚ ᱜᱩᱡᱩᱜ ᱠᱟᱱᱟ ᱟᱫᱚ ᱵᱤᱨᱥᱟ. ᱠᱚ ᱞᱟᱜᱟ ᱠᱮᱫᱮᱭᱟ ᱢᱮᱱᱠᱷᱟᱱ ᱮᱱᱛᱮ ᱨᱮᱦᱚᱸ ᱫᱤᱥᱚᱢ ᱨᱩᱣᱟ. ᱢᱟ ᱵᱟᱝ ᱠᱚᱢ ᱞᱮᱱᱟ ᱾ ᱵᱤᱨᱥᱟ. ᱑ ᱪᱟᱸᱫᱚ ᱜᱟᱱ ᱵᱩᱨᱩ ᱵᱤᱛᱤᱨᱮᱭ ᱛᱟᱦᱮᱸᱭᱮᱱᱟ ᱟᱨ ᱵᱩᱨᱩ ᱨᱮᱱᱟᱝ ᱨᱮᱦᱮᱫ ᱥᱮᱸᱫᱮᱫ ᱨᱟᱱ ᱛᱮᱭ ᱵᱮᱥ ᱠᱮᱫ ᱠᱚᱣᱟ ᱟ.ᱛᱩ ᱦᱚᱲ ᱠᱚ ᱾ ᱟᱠᱚᱣᱟᱜ ᱥᱮᱵᱟ ᱨᱮᱜᱮᱭ ᱛᱟᱦᱮ ᱞᱮᱱᱟ, ᱚᱱᱟ ᱠᱟᱛᱮ ᱥᱟᱱᱟᱢ ᱦᱚᱲ ᱵᱤᱨᱥᱟ. ᱦᱟᱜ ᱠᱟᱛᱷᱟ ᱜᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾

• ᱥᱟᱦᱮᱵ ᱡᱟ.ᱨᱤ---

ᱱᱤᱭᱟ. ᱚᱠᱛᱚ ᱡᱚᱢᱤᱫᱟ.ᱨᱤ ᱯᱚᱱᱛᱷᱟ ᱪᱚᱞᱚᱛ ᱨᱮ ᱛᱟᱦᱮᱸ ᱠᱟᱱᱟ ᱾ ᱪᱟ.ᱥᱤ ᱦᱟᱲ ᱠᱚ ᱪᱮᱛᱟᱱ ᱨᱮ ᱟᱭᱢᱟ ᱠᱚᱪᱞᱚᱱ ᱠᱚ ᱵᱟ.ᱲᱛᱤ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱢᱟᱦᱟᱡᱚᱱ ᱠᱚ ᱦᱟᱱᱟ-ᱱᱟᱶᱟ ᱪᱟᱸᱫᱚ ᱨᱮᱱᱟᱝ ᱠᱷᱟᱡᱱᱟ ᱢᱮᱱ ᱠᱟᱛᱮ ᱠᱚ ᱮᱲᱮ ᱡᱚᱝ ᱠᱟᱱ ᱛᱟᱦᱮᱱ᱾ ᱵᱤᱨᱥᱟ. ᱢᱩᱱᱰᱟ. ᱫᱚ ᱢᱟᱦᱟᱡᱚᱱ ᱟᱨ ᱠᱤᱥᱟᱬ ᱠᱚᱣᱟᱜ ᱡᱟ.ᱨᱤ ᱴᱷᱮᱱ ᱠᱷᱚᱱ ᱫᱩᱜ ᱫᱟᱨᱟᱢ ᱞᱟ.ᱜᱤᱫ ᱦᱚᱲ ᱠᱚᱭ ᱡᱟᱣᱨᱟ ᱠᱮᱫ ᱠᱚᱣᱟ ᱟᱨ ᱡᱩᱢᱤᱫᱟᱨ ᱥᱟᱶ ᱠᱚ ᱛᱩᱯᱩᱫ ᱮᱱᱟ ᱾

• ᱵᱤᱨᱥᱟ. ᱪᱮᱛᱟᱱ ᱨᱮ ᱦᱤᱫᱤᱡ---

ᱟ.ᱫᱤᱵᱟ.ᱥᱤ ᱠᱚ ᱪᱮᱛᱟᱱ ᱨᱮ ᱱᱟᱦᱪᱟᱨ ᱪᱟᱵᱟ ᱠᱟᱛᱮ ᱟᱵᱚ ᱦᱚᱲ ᱠᱚ ᱡᱩᱢᱤᱫ ᱠᱟᱛᱮ ᱚᱵᱟᱣᱟᱜ ᱦᱚᱠ ᱟ.ᱭᱫᱟ.ᱨᱤ ᱦᱟᱛᱟᱣ ᱟᱨ ᱢᱤᱫ ᱢᱩᱰᱟ. ᱯᱚᱱᱚᱛ ᱵᱮᱱᱟᱣ ᱨᱮᱠᱚ ᱠᱩᱨᱩᱢᱩᱴᱩ ᱞᱮᱫᱼᱟ, ᱟᱵᱚᱣᱟᱜ ᱵᱚᱸᱜᱟ ᱵᱩᱨᱩ ᱞᱟ.ᱭ ᱞᱟᱠᱪᱟᱨ ᱠᱟᱞᱪᱟᱨ ᱠᱚ ᱫᱚᱥᱚᱢ ᱦᱚᱲ ᱠᱚᱭ ᱞᱟ.ᱭ ᱪᱮᱥᱮᱫ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱟ.ᱠᱤᱱᱟᱜ ᱠᱟᱛᱷᱟ ᱠᱚ ᱟᱸᱡᱚᱢ ᱞᱟ.ᱜᱤᱫ ᱟᱭᱢᱟ ᱦᱚᱲ ᱠᱚ ᱡᱟᱣᱨᱟᱜ ᱠᱟᱱ ᱛᱟᱦᱮᱸᱱ ᱾

ᱫᱤᱥᱚᱢ ᱨᱮᱱᱟᱝ ᱵᱷᱮᱜᱟᱨ-ᱵᱷᱮᱜᱟᱨ ᱡᱟᱭᱜᱟ ᱠᱷᱚᱱ ᱟᱭᱢᱟ ᱦᱚᱲ ᱠᱟ ᱦᱤᱡᱩᱜ ᱠᱟᱱ ᱛᱟᱦᱮ ᱠᱟᱱᱟ ᱵᱤᱨᱥᱟ. ᱦᱟᱜ ᱵᱚᱸᱜᱟ ᱟᱲᱟᱝ (ᱥᱮᱨᱢᱟ ᱟᱲᱟᱝ) ᱟᱸᱡᱚᱢ ᱞᱟ.ᱜᱤᱱ ᱛᱮ, ᱫᱤᱥᱚᱢ ᱦᱚᱲ ᱦᱚᱸ ᱠᱚ ᱟᱸᱜᱚᱪ ᱠᱮᱫᱟ ᱥᱟ‌ᱨᱤ ᱠᱟᱛᱷᱟ ᱾

ᱥᱚᱠᱟᱨ ᱩᱱᱟᱜ ᱦᱚᱲ ᱧᱮᱞ ᱛᱮ ᱵᱤᱨᱥᱟ. ᱪᱮᱛᱟᱱ ᱦᱤᱫᱤᱡ ᱦᱮᱡ ᱟᱫᱮᱭᱟ ᱟᱨᱮ ᱢᱮᱛᱟᱫ ᱮᱭᱟ ᱮᱫ ᱵᱟ.ᱲᱤᱡ ᱠᱟᱛᱷᱟ ᱠᱚᱢ ᱞᱟ.ᱭᱟᱠᱚᱠᱟᱱᱟ ᱾ ᱵᱤᱨᱥᱟ. ᱢᱩᱱᱰᱟ. ᱤᱧ ᱫᱚ ᱤᱧ ᱨᱤᱱ ᱦᱟᱲ ᱠᱚ ᱵᱚᱸᱜᱟ ᱵᱩᱨᱩ, ᱫᱷᱚᱨᱚᱢ ᱠᱟᱛᱷᱟ ᱠᱚᱧ ᱞᱟ.ᱭᱟᱠᱚ ᱠᱟᱱᱟ ᱱᱚᱣᱟ ᱨᱮ ᱥᱚᱨᱠᱟᱨ ᱫᱚ ᱪᱮᱫᱦᱚᱸ ᱵᱟᱭ ᱪᱮᱠᱟᱭᱤᱧᱟ ᱾ ᱥᱚᱨᱠᱟᱨ ᱦᱚᱸ ᱩᱱᱟ.ᱜ ᱦᱚᱲ ᱠᱚ ᱧᱮᱞ ᱛᱮ ᱟᱭᱢᱟ ᱠᱟᱛᱷᱟ ᱠᱚᱭ ᱩᱭᱦᱟᱨ ᱠᱮᱫᱼᱟ ᱤᱫᱩ ᱵᱟᱝ ᱠᱷᱟᱱ ᱢᱟᱦᱟᱱᱟᱜ ᱜᱮ ᱠᱚ ᱥᱟᱯᱲᱟᱣᱮᱫᱼᱟ ᱾

ᱱᱟᱦᱪᱟᱨ ᱠᱷᱟ.ᱛᱤᱨ ᱟ.ᱛᱩ ᱫᱤᱥᱚᱢ ᱨᱤᱱ ᱦᱚᱲ ᱠᱚ ᱟ.ᱰᱤ ᱜᱮᱠᱚ ᱨᱟᱝᱜᱟᱣ ᱞᱮᱱᱟ ᱢᱟ.ᱦᱤᱛ ᱒᱗-᱘-᱑᱓᱙᱕ ᱥᱮᱨᱢᱟ ᱨᱮ ᱢᱟᱦᱟᱡᱚᱱ ᱟᱨ ᱡᱩᱢᱤᱫᱟᱨ ᱠᱚᱥᱟᱶ ᱟ.ᱰᱤ ᱜᱮ ᱜᱷᱟᱢᱟ-ᱜᱷᱩᱲ ᱛᱩᱯᱩᱫ ᱛᱟᱯᱟᱢ (ᱦᱩᱞ) ᱦᱩᱭᱮᱱᱟ ᱾ ᱯᱩᱞᱤᱥ ᱥᱩᱯᱨᱤᱱᱴᱮᱱᱰᱮᱱᱴ ᱵᱤᱨᱥᱟ. ᱥᱟᱵ ᱞᱟ.ᱜᱤᱫ ᱛᱮ ᱯᱷᱟ.ᱫᱽ ᱠᱚᱭ ᱵᱷᱮᱡᱟ ᱠᱮᱫ ᱠᱚᱣᱟᱭ ᱪᱟᱞᱠᱟᱫ ᱟ.ᱛᱩ ᱛᱮ ᱾ ᱵᱤᱨᱥᱟ. ᱧᱤᱫᱟ. ᱡᱟ.ᱯᱤᱫ ᱵᱮᱲᱟ ᱘ ᱴᱟᱲᱟᱝ ᱨᱮ ᱠᱚ ᱡᱟᱨᱯᱟ ᱥᱟᱵ ᱠᱮᱫᱮᱭᱟ, ᱟᱨ ᱨᱟ.ᱪᱤ ᱛᱮᱠᱚ ᱤᱫᱤ ᱠᱮᱫᱮᱭᱟ ᱾ ᱟᱡ ᱥᱟᱶ ᱑᱕ ᱦᱚᱲ ᱥᱚᱦᱮᱫ ᱠᱚᱦᱚᱸ ᱠᱚ ᱤᱫᱤᱠᱮᱫ ᱠᱚᱣᱟ ᱾ ᱚᱱᱟ ᱫᱷᱟᱨᱮ ᱯᱟᱥᱮ ᱨᱤᱱ ᱦᱚᱲ ᱠᱚ ᱚ.ᱰᱤ ᱛᱮᱫ ᱠᱚ ᱨᱟ.ᱜᱤᱭᱮᱱᱟ ᱾ ᱢᱚᱠᱚᱫᱚᱢᱟ ᱨᱮ ᱦᱟᱱᱟ ᱱᱟᱣᱟ ᱮᱲᱮ ᱥᱟ.ᱨᱤ ᱠᱟᱛᱷᱟ ᱠᱚ ᱞᱟ.ᱞᱤᱥ ᱠᱟᱛᱮ ᱨᱟᱭ ᱮᱢᱮᱱᱟ ᱾ ᱢᱟ.ᱦᱤᱛ ᱑᱙ᱼ᱑᱑ᱼ᱑᱘᱙᱕ ᱨᱮ ᱵᱤᱨᱥᱟ. ᱟᱨ ᱟᱡ ᱨᱤᱱ ᱑᱕ ᱥᱟᱦᱮᱫ ᱜᱟᱛᱮ ᱠᱚ ᱵᱟᱨ ᱥᱮᱨᱢᱟ ᱞᱟ.ᱜᱤᱱ ᱠᱚ ᱡᱮᱞᱮᱱᱟ ᱾ ᱢᱟ.ᱦᱤᱛ ᱓᱐-᱑᱑ᱼ᱑᱘᱙᱗ ᱥᱮᱨᱢᱟ ᱨᱮ ᱥᱚᱨᱠᱟᱨᱟᱜ ᱦᱩᱠᱩᱢ (Bond) ᱨᱮ ᱛᱤᱥ ᱦᱚᱸ ᱱᱟᱝᱠᱟᱱ ᱢᱤᱫᱩᱱ ᱪᱮ ᱦᱚᱲ ᱪᱮᱸᱜᱷᱟᱣ ᱞᱟ.ᱜᱤᱱ ᱵᱟᱝ ᱠᱚ ᱠᱟ.ᱢᱤᱭᱟ ᱢᱮᱱ ᱛᱮ ᱠᱚ ᱥᱩᱦᱤ ᱚᱪᱟᱠᱮᱫ ᱠᱚᱣᱟ ᱾

•ᱵᱤᱨᱥᱟ. ᱡᱤᱦᱚᱞ ᱠᱷᱚᱱ ᱨᱩᱣᱟ.ᱲ ᱠᱟᱛᱮ ---

ᱪᱟᱞᱠᱟᱫ ᱟ.ᱛᱩ ᱨᱮ ᱡᱤᱦᱚᱞ ᱠᱷᱚᱱ ᱨᱩᱣᱟ.ᱲ ᱠᱟᱛᱮ ᱟᱡ ᱨᱤᱱ ᱥᱚᱦᱮᱫ ᱠᱚ ᱥᱟᱶ ᱢᱤᱫ ᱫᱩᱯᱲᱩᱵ ᱠᱚ ᱫᱚᱦᱚ ᱠᱮᱫᱼᱟ ᱾ ᱱᱤᱭᱟ. ᱦᱤᱞᱚᱜ ᱫᱚ ᱟᱠᱚᱣᱟᱜ ᱛᱟᱦᱮᱱ ᱟᱨ ᱦᱚᱠ ᱵᱟᱵᱚᱛ ᱠᱚ ᱜᱟᱞᱚᱪᱷ ᱠᱮᱫᱟ ᱟᱨ ᱢᱤᱫ ᱜᱟᱶᱛᱟ ᱵᱮᱨᱮᱫ ᱨᱮᱱᱟᱝ ᱠᱚ ᱨᱤᱠᱟ. ᱠᱮᱫᱼᱟ ᱾ ᱠᱤᱪᱷᱩ ᱫᱤᱱ ᱯᱚᱨᱮ ᱠᱷᱟᱱ ᱵᱟᱨᱭᱟ ᱜᱩᱴ ᱠᱚ ᱵᱮᱱᱟᱣ ᱠᱮᱫᱼᱟ, ᱢᱤᱫ ᱜᱩᱴ ᱫᱚ ᱫᱷᱚᱨᱚᱢ ᱨᱮᱱᱟᱝ ᱠᱟᱛᱷᱟ ᱠᱚ ᱞᱟ.ᱭᱟᱠᱚᱣᱟ ᱟᱨ ᱢᱤᱫ ᱜᱩᱴ ᱫᱚ ᱪᱟᱞᱟᱜ ᱠᱟᱱ ᱨᱟᱡᱽ ᱟ.ᱨᱤ ᱵᱤᱨᱩᱫᱽ ᱠᱚ ᱠᱟ.ᱠᱤᱭᱟ ᱾

ᱥᱮᱫᱟᱭ ᱢᱩᱰᱟ. ᱨᱟᱡᱽ ᱟᱨ ᱱᱟᱜᱟᱢᱤᱭᱟ. ᱴᱷᱟᱶ ᱟᱨ ᱫᱷᱚᱨᱚᱢ ᱠᱟᱛᱷᱟ ᱠᱚ ᱯᱟᱥᱱᱟᱣ ᱣᱮᱫ ᱠᱚ ᱛᱟᱦᱮᱸᱫ ᱾ ᱵᱤᱨᱥᱟ. ᱨᱤᱱ ᱥᱚᱦᱮᱫ ᱠᱚ ᱟᱯᱟᱱ ᱟ.ᱯᱤᱱ ᱠᱚ ᱠᱟ.ᱢᱤ ᱡᱚᱝ ᱠᱟᱱ ᱛᱟᱦᱮᱸᱫ ᱢᱮᱱ, ᱵᱤᱨᱥᱟ. ᱫᱚ ᱵᱩᱜᱤ ᱵᱟ.ᱲᱤᱡ ᱮ ᱧᱮᱞᱮᱫ ᱛᱟᱦᱮᱸᱫ ᱾ ᱵᱤᱨᱥᱟ. ᱫᱚ ᱥᱚᱨᱠᱟᱨᱟᱜ ᱟ.ᱱ ᱟ.ᱨᱤ ᱥᱟᱶ ᱞᱟ.ᱲᱦᱟ.ᱭ ᱞᱟ.ᱜᱤᱱ ᱛᱮ ᱦᱚᱨ ᱰᱟᱦᱟᱨᱮ ᱞᱟ.ᱭᱟᱫ ᱠᱚ ᱛᱟᱦᱮᱸᱫ ᱾ ᱵᱤᱨᱥᱟ. ᱥᱚᱨᱠᱟᱨᱟᱜ ᱠᱟᱛᱷᱟ ᱵᱟᱝ ᱵᱟᱛᱟᱣ ᱠᱷᱟ‌.ᱛᱤᱨ ᱥᱚᱨᱠᱟᱨ ᱵᱤᱨᱥᱟ. ᱥᱟᱵ ᱞᱟ.ᱜᱤᱫ ᱥᱤᱨᱯᱷᱟ.ᱭ ᱫᱚᱦᱚ ᱠᱮᱫᱼᱟ ᱾ ᱵᱤᱨᱥᱟ. ᱥᱚᱦᱮᱫ ᱠᱚ ᱟ.ᱰᱤ ᱛᱮᱫ ᱠᱚ ᱨᱟ.ᱜᱤᱭᱮᱱᱟ ᱟᱨ ᱦᱩᱞ ᱞᱟ.ᱜᱤᱫ ᱠᱚ ᱢᱮᱱᱮ ᱠᱮᱫᱼᱟ ᱾ ᱟ.ᱫᱤᱵᱟ.ᱥᱤ ᱛᱟᱦᱮᱱ ᱡᱟᱭᱜᱟ ᱨᱮᱫᱚ ᱜᱚᱴᱟ ᱯᱟᱲᱟ ᱵᱤᱨ ᱵᱩᱨᱩ ᱟᱨ ᱨᱟᱜᱷᱟᱱᱛᱮ ᱮᱥᱮᱫ ᱛᱟᱦᱮᱸ ᱠᱟᱱᱟ ᱾

• ᱑᱘᱙᱘ ᱥᱟᱞ ᱨᱮ ᱵᱤᱨᱥᱟ. ᱢᱟᱬᱛᱮ ᱠᱚ ᱥᱟᱶ ---

᱑᱘᱙᱘ ᱥᱟᱞᱮᱨᱮ ᱢᱩᱸᱰᱟ. ᱢᱟᱬᱛᱮ ᱠᱚᱣᱟᱜ ᱢᱤᱫ ᱫᱩᱯᱩᱲᱩᱵ ᱰᱩᱢᱵᱩᱨᱤᱭᱟ. ᱨᱮ ᱦᱩᱭ ᱮᱱᱟ ᱢᱟᱜᱽ ᱵᱚᱸᱜᱟ ᱫᱮᱞᱟᱼᱫᱤᱞᱤ ᱡᱟᱣᱨᱟ ᱞᱮᱱᱟᱠᱚ ᱾ ᱛᱤᱨᱞᱟ. ᱠᱚ ᱪᱮᱛᱟᱱ ᱨᱮ ᱱᱟᱦᱪᱟᱨ ᱟᱨ ᱠᱚᱪᱞᱚᱱ ᱠᱷᱟ.ᱛᱤ ᱟᱨ ᱡᱟᱨᱽ ᱨᱮᱱᱟᱝ ᱟ.ᱱ ᱟ.ᱨᱤ ᱦᱚᱠ ᱟ.ᱭᱫᱟ.ᱨᱤ ᱵᱟᱵᱚᱛ ᱠᱟᱛᱷᱟ ᱠᱚ ᱞᱟ.ᱭ ᱠᱮᱫᱼᱟ ᱾

• ᱵᱤᱨᱥᱟ. ᱦᱩᱞ ---

24 December 1899 ᱢᱟ.ᱦᱤᱛ ᱨᱮ ᱫᱤᱥᱚᱢ ᱦᱚᱲ ᱠᱚ ᱛᱩᱞᱩᱡ ᱠᱚᱪᱞᱚᱱ ᱵᱤᱨᱟ.ᱫ ᱨᱮ ᱦᱩᱞ ᱥᱮᱸᱜᱮᱞ ᱡᱮᱨᱮᱫ ᱮᱱᱟ ᱾ ᱥᱟᱦᱟᱮᱵ ᱠᱚ ᱥᱟᱸᱜᱷᱟᱨ ᱠᱟᱛᱮ ᱠᱚ ᱜᱚᱡᱮᱫ ᱠᱚ ᱛᱟᱦᱮᱸᱫ, ᱟᱭᱢᱟ ᱥᱟᱦᱮᱫ ᱚᱲᱟᱜ ᱠᱚ ᱟᱛᱟᱨ ᱠᱮᱫᱼᱟ ᱾ ᱯᱩᱞᱤᱥ ᱛᱷᱟᱱᱟ ᱨᱮ ᱟᱜ-ᱥᱟᱨ ᱟᱛᱮ ᱠᱚ ᱥᱮᱫᱨᱟ ᱠᱮᱫ ᱠᱚᱣᱟ, ᱯᱮ ᱦᱚᱲ ᱫᱚᱠᱚ ᱢᱟᱜ ᱜᱚᱡ ᱠᱮᱫ ᱠᱚᱣᱟ,ᱢᱤᱫ ᱦᱚᱲ ᱫᱚᱠᱚ ᱛᱩᱧ ᱜᱚᱡ ᱠᱮᱫᱮᱭᱟ,᱑᱗ ᱦᱚᱲ ᱫᱚᱠᱚ ᱛᱩᱧ ᱜᱷᱟ.ᱞ ᱠᱮᱫ ᱠᱚᱣᱟ ᱟᱨ ᱯᱩ ᱦᱚᱲ ᱫᱚᱠᱚ ᱛᱩᱧ ᱯᱩᱪᱩᱡ ᱠᱮᱫ ᱠᱚᱣᱟ ᱢᱟ.ᱦᱤᱛ 25 December 1899 ᱨᱮ ᱢᱤᱫ ᱦᱚᱲ ᱠᱚ ᱢᱟᱜ ᱜᱚᱡ ᱠᱮᱫᱮᱭᱟ ᱾ ᱑᱙᱐᱐ ᱨᱮ ᱵᱟᱨᱭᱟ ᱠᱚᱱᱮᱥᱴᱚᱵᱚᱲ ( ᱫᱟᱨᱚᱜᱟ ) ᱤᱪᱟ.ᱜᱰᱤᱦᱤ ᱨᱮᱠᱚ ᱜᱚᱡ ᱠᱮᱫ ᱠᱤᱱᱟ ᱾

ᱢᱟ.ᱦᱤᱛ ᱗ᱼ᱑ᱼ᱑᱙᱐᱐ ᱨᱮ ᱠᱷᱩᱴᱤ ᱛᱷᱟᱱᱟᱨᱮ ᱢᱤᱫ ᱢᱩᱬᱩᱛ ᱠᱚᱱᱮᱥᱴᱚᱵᱚᱫ ᱠᱚ ᱜᱚᱡ ᱠᱮᱫᱮᱭᱟ ᱟᱨ ᱯᱮᱭᱟ ᱚᱲᱟᱜ ᱠᱚ ᱟᱛᱟᱨ ᱠᱮᱫᱼᱟ ᱾

ᱥᱤᱧᱵᱷᱩᱢ ᱡᱤᱞᱟ. ᱨᱮᱱᱟᱝ ᱪᱚᱠᱨᱚᱫᱷᱚᱨᱯᱩᱨ ᱨᱟᱺᱪᱤ ᱡᱤᱞᱟ. ᱨᱮᱱᱟᱝ ᱠᱷᱩᱴᱤ ᱠᱚᱨᱨᱟᱛᱳᱨᱢᱟ ᱛᱟᱢᱟᱨ ᱟᱨ ᱵᱚᱥᱤᱭᱟᱨ ᱯᱩᱞᱤᱥ ᱛᱷᱟᱱᱟ ᱠᱚᱜᱮ ᱵᱟ‌.ᱲᱛᱤ ᱠᱟᱭᱛᱮ ᱫᱚ ᱞᱚᱥᱠᱟᱱ ᱞᱮᱱᱟ ᱾ ᱘ ᱯᱟᱨᱣᱟᱨᱤ ᱨᱮ ᱵᱤᱨᱴᱤᱥ ᱥᱚᱨᱠᱟᱨ ᱨᱤᱱ ᱯᱷᱟ.ᱫ ᱠᱚ ᱰᱚᱢᱵᱟᱨᱤ ᱟᱨ ᱥᱚᱭᱮᱞ ᱵᱩᱨᱩ ᱠᱚ ᱜᱷᱮᱨᱟᱣ ᱠᱮᱫᱼᱟ ᱾ ᱟ.ᱰᱤ ᱟᱭᱢᱟ ᱦᱚᱲ ᱠᱚ ᱜᱚᱡ ᱚᱪᱚᱭᱮᱱᱟ ᱾ ᱢᱤᱫ ᱯᱟᱦᱴᱟ ᱨᱮ ᱟᱜ-ᱥᱟᱨ ᱟᱨ ᱢᱤᱫ ᱯᱟᱦᱴᱟ ᱨᱮ ᱜᱩᱞᱤ ᱵᱟ.ᱨᱩᱫᱽ ᱾ ᱦᱩᱞᱜᱟ.ᱨᱤᱭᱟ. ᱠᱚ ᱤᱝᱨᱮᱡᱽ ᱥᱚᱨᱠᱟᱨᱟᱜ ᱦᱟ.ᱛᱭᱟ.ᱨ ᱥᱟᱢᱟᱝ ᱨᱮ ᱦᱟᱨᱼᱚᱜ ᱨᱮᱱᱟᱝ ᱠᱚ ᱵᱚᱲᱦᱮ ᱮᱱᱟ ᱾ ᱟ.ᱰᱤ ᱜᱮ ᱵᱚᱛᱚᱨᱟᱱ ᱦᱩᱞ‌ ᱦᱩᱭᱮᱱᱟ, ᱢᱩᱰᱟ. ᱟ.ᱫᱤᱱᱟ.ᱥᱤ ᱠᱟ ᱡᱟᱦᱟᱸ ᱵᱩᱨᱩ ᱨᱟᱜᱷᱟ ᱟᱨ ᱠᱷᱚᱸᱜᱚᱨ ᱠᱚᱨᱮ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟ ᱡᱟᱭᱜᱟ ᱠᱚᱨᱮ ᱯᱩᱞᱤᱥ ᱯᱷᱟ.ᱫ ᱠᱚ ᱵᱮᱲᱦᱟᱭ ᱛᱮᱠᱚ ᱛᱤᱸᱜᱩ ᱠᱮᱫ ᱠᱚᱣᱟ ᱟᱨ ᱚᱸᱰᱮ ᱨᱤᱱ ᱦᱩᱞᱜᱟ.ᱨᱤᱭᱟ ᱠᱚᱠᱚ ᱥᱟᱵ ᱠᱮᱫ ᱠᱚᱣᱟ ᱾ ᱡᱟᱦᱟᱸᱭ ᱠᱚᱠᱚ ᱥᱟᱵ ᱚᱪᱚᱭᱮᱱᱟ ᱩᱱᱠᱩ ᱪᱮᱛᱟᱱ ᱨᱮ ᱟᱭᱢᱟ ᱱᱟᱦᱟᱪᱟᱨ ᱮᱦᱚᱵ ᱮᱱᱟ ᱾ ᱟ.ᱰᱤ ᱠᱚ ᱫᱟᱞ ᱠᱮᱫ ᱠᱚᱣᱟ, ᱟᱫᱚᱢ ᱫᱚ ᱫᱟᱞ-ᱫᱟᱞ ᱛᱮᱠᱚ ᱜᱚᱡ ᱠᱚᱫ ᱠᱚᱣᱟ, ᱟᱫᱚᱢ ᱫᱚ ᱜᱷᱟ.ᱞ ᱛᱮᱜᱮ ᱠᱚ ᱜᱚᱡ ᱮᱱᱟ ᱾

ᱢᱟ.ᱦᱤᱛ ᱒᱘-᱑ᱼ᱑᱙᱐᱐ ᱦᱤᱞᱚᱜ ᱵᱟᱨᱭᱟ ᱧᱩᱛᱩᱢᱟᱱ ᱢᱩᱰᱟ. ᱥᱚᱨᱫᱟᱨ ᱟᱨ ᱓᱒ ᱥᱚᱦᱮᱫ ᱠᱚ ᱚᱝᱨᱮᱡ ᱵᱷᱮᱱ ᱠᱚ ᱥᱟᱵ ᱚᱪᱚᱭᱮᱱᱟ ᱾ ᱤᱱᱟ ᱯᱚᱨᱮ ᱵᱤᱨᱥᱟ. ᱦᱩᱞ ᱦᱟ.ᱯᱤᱛ ᱨᱮᱭ ᱵᱟᱲᱦᱮ ᱭᱮᱱᱟ ᱾ ᱦᱟᱸᱰᱮ ᱱᱟᱦᱟᱰᱮ ᱡᱟᱸᱫᱮ ᱛᱟᱸᱫᱮ ᱛᱟᱦᱮᱸ ᱠᱟᱛᱮ ᱵᱟᱧᱪᱟᱜ ᱮ ᱨᱤᱠᱟ. ᱠᱮᱫᱼᱟ ᱾

ᱵᱤᱨᱥᱟ. ᱥᱟᱵᱮ ᱞᱟ.ᱜᱤᱫ ᱥᱚᱨᱠᱟᱨ ᱥᱤᱨᱯᱷᱟ.ᱭ ᱰᱷᱟᱱᱰᱨᱟ ᱠᱮᱫᱼᱟ ᱾ ᱥᱤᱨᱯᱷᱟ. ᱧᱟᱢ ᱟᱸᱥᱛᱮ ᱡᱟ.ᱛ ᱨᱤᱱ ᱦᱚᱲ ᱠᱚᱜᱮ ᱵᱤᱨᱥᱟ. ᱠᱚ ᱯᱟᱱᱛᱮ ᱵᱟᱲᱟᱭᱮ ᱠᱟᱱᱟ ᱛᱟᱦᱮᱸᱱᱚᱜ ᱾

ᱵᱤᱨᱥᱟ. ᱦᱚᱸ ᱟᱯᱱᱟᱨ ᱡᱟ.ᱛ, ᱫᱷᱚᱨᱚᱢ ᱥᱟᱶᱛᱟ ᱨᱮᱱᱟᱝ ᱢᱟ.ᱱ ᱢᱚᱦᱚᱛ ᱵᱟᱝ ᱮ ᱨᱚᱯᱷᱟ ᱫᱟᱲᱮ ᱟᱠᱟᱣᱟᱫ ᱛᱮ ᱩᱱᱤ ᱦᱚᱸ ᱟ.ᱰᱤ ᱵᱷᱟᱵᱱᱟ ᱨᱮᱭ ᱛᱟᱦᱮᱸᱭᱮᱱᱟ ᱾

ᱢᱟ.ᱦᱤᱛ ᱓-᱓-᱑᱙᱐᱐ ᱦᱤᱞᱚᱜ ᱵᱤᱨᱥᱟ. ᱦᱟᱜ ᱚᱥᱟ.ᱜᱩᱱ ᱫᱤᱱ ᱛᱟᱦᱮᱸ ᱠᱟᱱᱟ ᱾ ᱟᱯᱱᱟᱨ ᱡᱟ.ᱛᱤ ᱨᱤᱱ ᱦᱚᱲ ᱜᱮ ᱥᱤᱨᱯᱷᱟ. ᱧᱟᱢ ᱞᱟ.ᱜᱤᱫ ᱛᱮ ᱵᱤᱨ ᱵᱷᱤᱛᱤᱨ ᱨᱮ ᱢᱮᱱᱟᱭ ᱵᱤᱨᱥᱟ. ᱢᱩᱱᱰᱟ. ᱚᱝᱨᱮᱡᱽ ᱠᱚ ᱴᱷᱮᱱ ᱠᱚ ᱥᱟᱵ ᱚᱪᱚ ᱠᱮᱫᱮᱭᱟ ᱟᱨ ᱛᱤ ᱡᱟᱸᱜᱟ ᱠᱚ ᱛᱚᱞ ᱠᱮᱫᱮᱭᱟ ᱾

ᱵᱤᱨᱥᱟ. ᱢᱩᱱᱰᱟ. ᱦᱟᱜ ᱠᱟ.ᱭ ᱞᱮᱠᱟᱛᱮ ᱚᱝᱨᱮᱡ ᱥᱚᱨᱠᱟᱨ ᱦᱟᱱᱟ ᱱᱟᱣᱟ ᱠᱟᱛᱷᱟ ᱠᱚ ᱞᱟ‌ᱞᱤᱥ ᱠᱟᱛᱮ ᱠᱩᱪᱨᱤ ᱨᱮ ᱵᱤᱪᱟ.ᱨ ᱚᱠᱛᱚ ᱵᱤᱨᱥᱟ. ᱯᱟᱦᱴᱟ ᱟᱯᱱᱟᱨ ᱡᱟ.ᱛ ᱨᱤᱱ ᱮᱨᱟ ᱦᱮᱨᱮᱞ ᱦᱮᱡ ᱠᱟᱛᱮ ᱥᱟ.ᱠᱷᱤ ᱞᱮᱠᱟᱛᱮ ᱠᱚ ᱥᱮᱴᱮᱨ ᱞᱮᱱᱟ ᱾ ᱢᱮᱱᱠᱷᱟᱱ ᱚᱱᱠᱟᱱ ᱛᱚᱠ ᱵᱟᱝᱠᱚ ᱧᱟᱢ ᱞᱮᱫᱼᱟ ᱾

ᱢᱟ.ᱦᱤᱛ ᱙ ᱡᱩᱱ ᱑᱙᱐᱐ ᱥᱮᱨᱢᱟ ᱨᱮ ᱥᱮᱛᱟᱜ ᱟᱨᱮ ᱴᱟᱲᱟᱝ ᱚᱠᱛᱮ ᱰᱤᱨᱥᱟ.ᱣᱟᱜ ᱡᱤᱣᱤ ᱵᱟ.ᱛᱤ ᱫᱚ ᱡᱟᱭᱡᱩᱜᱽ ᱞᱟ.ᱜᱤᱫ ᱤᱬᱤᱡ ᱮᱱᱟ ᱾ ᱜᱚᱡ ᱦᱚᱲᱢᱚ ᱧᱮᱞ ᱞᱟ.ᱜᱤᱫ ᱵᱷᱤᱲ ᱠᱚ ᱪᱟᱵᱟ ᱠᱟᱛᱮᱱ ᱠᱚ ᱛᱚᱯᱟ ᱠᱟᱫᱮᱭᱟ ᱾ ᱟᱸᱡᱚᱢᱚᱜᱼᱟ ᱵᱤᱨᱥᱟ. ᱫᱚ ᱵᱤᱥ ᱮᱢ ᱠᱟᱛᱮ ᱠᱚ ᱜᱚᱡ ᱚᱪᱚ ᱠᱮᱫᱮᱭᱟ ᱾

ᱰᱮᱯᱩᱴᱤ ᱠᱚᱢᱤᱥᱱᱚᱨ ᱢᱤ. ᱤᱥᱴᱨᱤᱴ ᱯᱷᱤᱞᱰ, ᱤᱱᱤᱥᱯᱮᱠᱴᱚᱨ ᱦᱩᱠᱩᱢ ᱮ ᱮᱢ ᱠᱮᱫᱼᱟ ᱡᱮ --- ᱪᱟᱞᱠᱟᱫ ᱟ.ᱛᱩ ᱨᱤᱱᱤᱡ ᱥᱩᱜᱩᱱᱟ ᱢᱩᱱᱰᱟ. ᱦᱚᱯᱚᱱ ᱰᱤᱨᱥᱟ. ᱢᱩᱱᱰᱟ. ᱩᱢᱮᱨ ᱒᱕ ᱥᱮᱨᱢᱟ, ᱦᱟ.ᱭᱡᱟ. ᱛᱮᱭ ᱜᱟᱡ ᱮᱱᱟ ᱢᱮᱱᱛᱮ ᱜᱚᱵᱷᱚᱨᱱᱚᱨ ᱞᱟ.ᱭ ᱟᱭᱢᱟ ᱾

• ᱵᱤᱨᱥᱟ. ᱦᱩᱞ ᱨᱮᱱᱟᱝ ᱚᱨᱥᱚᱝ ---

ᱵᱤᱨᱥᱟ. ᱦᱩᱞ ᱨᱮ ᱟᱭᱢᱟ ᱥᱚᱦᱮᱫᱤᱭᱟ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟ ᱠᱚ ᱢᱩᱫ ᱨᱮ ᱔᱘᱒ ᱦᱚᱲ ᱠᱚ ᱥᱟᱵᱞᱮᱱᱟ ᱾ ᱩᱱᱠᱩ ᱢᱤᱫ ᱨᱮ ᱙᱘ ᱦᱚᱲ ᱠᱟ.ᱭᱫᱷᱤ ᱮᱱᱟ ᱠᱚ ᱾ ᱩᱱᱠᱩ ᱵᱷᱤᱛᱤᱨ ᱠᱷᱚᱱ ᱯᱮ ᱦᱚᱲᱟᱜ ᱯᱟ.ᱥᱤ ᱦᱩᱭᱮᱱᱟ ᱾ ᱔᱔ ᱦᱚᱲ ᱫᱚ ᱡᱤᱵᱚᱱ ᱵᱷᱩᱨ ᱡᱤᱦᱚᱞ ᱨᱮ ᱥᱟᱥᱮᱛ ᱠᱚ ᱮᱢᱟᱫ ᱠᱚᱣᱟ ᱟᱨ ᱑᱐ ᱦᱚᱲ ᱜᱮᱞ ᱥᱮᱨᱢᱟ ᱠᱟᱛᱮ,᱘ ᱦᱚᱲ ᱗ ᱥᱮᱨᱢᱟ ᱠᱟᱛᱮ ᱡᱤᱦᱚᱞ, ᱒᱓ ᱦᱚᱲ ᱫᱚ ᱢᱚᱬᱮ ᱥᱮᱨᱢᱟ ᱠᱟᱛᱮ ᱟᱨ ᱗ ᱦᱚᱲ ᱫᱚ ᱯᱮ ᱥᱮᱨᱢᱟ ᱠᱟᱛᱮ ᱥᱟᱥᱮᱛ ᱠᱚ ᱮᱢᱟᱫ ᱠᱚᱣᱟ ᱾

ᱵᱤᱨᱥᱟ. ᱦᱩᱞ ᱦᱩᱰᱤᱧ ᱡᱟᱭᱜᱟ ᱨᱮ ᱦᱩᱭᱮᱱᱟ ᱠᱷᱟᱱ.ᱛᱤᱨ ᱛᱮ ᱚᱝᱨᱮᱡᱽ ᱥᱚᱨᱠᱟᱨ ᱦᱩᱞ ᱮ ᱴᱮᱠᱟᱣ ᱫᱟᱨᱟᱢ ᱠᱮᱫᱼᱟ ᱾ ᱦᱩᱞ ᱯᱚᱨᱮ ᱥᱚᱨᱠᱟᱨ ᱠᱚᱪᱞᱚᱱ ᱟᱨ ᱡᱮᱸᱵᱮᱫ ᱴᱮᱠᱟᱣ ᱫᱟᱨᱟᱢ ᱵᱟᱨᱮᱛᱮᱭ ᱩᱭᱦᱟᱨ.ᱨ ᱠᱮᱫᱼᱟ ᱾ ᱓᱐ ᱵᱚᱨᱜᱚ ᱢᱤᱞ ᱫᱷᱟ.ᱨᱤᱡ ᱛᱟᱦᱮᱸ ᱠᱟᱱᱟ ᱾

ᱱᱚᱣᱟ ᱞᱮᱠᱟᱛᱮ ᱜᱩᱢᱞᱟ ᱥᱚᱵᱰᱤᱵᱤᱡᱚᱱ, ᱠᱷᱩᱱᱴᱤ ᱥᱚᱵᱰᱤᱵᱤᱡᱚᱱ ᱛᱮᱭᱟᱨᱮᱱᱟ ᱾ ᱑᱑ ᱱᱚᱵᱮᱢᱵᱚᱨ ᱑᱙᱐᱘ ᱨᱮ ᱪᱷᱚᱴᱟᱱᱟᱜᱯᱩᱨ ᱴᱮᱱᱰᱮᱱᱥᱤ ᱮᱠᱴ ᱛᱮᱭᱟᱨ ᱮᱱᱟ ᱪᱮ ᱟ.ᱫᱤᱣᱟ.ᱥᱤ ᱠᱚᱣᱟᱜ ᱚᱛ ᱦᱟᱥᱟ ᱚᱠᱚᱭ ᱮᱴᱟᱜ ᱡᱟ.ᱛ ᱪᱮ ᱜᱟᱶᱛᱟ ᱨᱤᱱ ᱦᱚᱲ ᱵᱟᱝᱠᱚ ᱤᱫᱤ ᱫᱟᱲᱮᱭᱟᱜᱼᱟ ᱾

ᱵᱤᱨᱥᱟ. ᱢᱩᱱᱰᱟ. ᱟᱜ ᱡᱤᱣᱤ ᱦᱟᱥᱟ ᱦᱟᱲᱢᱚ ᱦᱟᱥᱟ ᱨᱮ ᱢᱮᱥᱟᱭᱮᱱᱟ ᱢᱮᱱᱠᱷᱟᱱ ᱥᱟᱱᱟᱢ ᱠᱚᱣᱟᱜ ᱡᱤᱣᱤᱨᱮ ᱡᱟᱱᱟᱢ ᱫᱤᱥᱚᱢ ᱫᱩᱜ ᱫᱚᱦᱚᱭ ᱞᱟ.ᱜᱤᱫ ᱫᱤᱭᱟ.ᱣᱲᱟ ᱵᱟ.ᱛᱤ ᱞᱮᱠᱟ ᱡᱩᱞ ᱟᱠᱟ ᱛᱟᱦᱮᱸᱱᱟ, ᱟ.ᱠᱤᱱᱟᱜ ᱡᱤᱭᱚᱱ ᱵᱷᱩᱨ ᱠᱟ.ᱢᱤ ᱨᱮᱱᱟᱝ ᱠᱩᱲᱟ.ᱭ ᱾

Bibliography

Birsa Munda Aur unka Andolan

Written by-kumar Suresh Singh

Sena Hor 

Written by-Salhai Murmu

Life and Time of Birsa Bhagwan

Written by-Surendra Prasad Singh's

ᱵᱤᱨ ᱵᱤᱨᱥᱟ. ᱡᱩᱱᱰᱟ. ᱦᱟᱜ ᱠᱷᱟᱴᱚ ᱡᱤᱭᱚᱱ ᱪᱩᱨᱤᱛ

ᱚᱱᱚᱞᱤᱭᱟ.-- ᱰᱨ.ᱵᱷᱩᱡᱩᱨᱟᱢ ᱢᱩᱨᱢᱩ

ᱮᱢ. ᱰᱤ. (ᱤᱞᱮᱠᱴᱨᱚ)