ol chiki exam result 2023 | संताली भाषा की परीक्षा का रिजल्ट | ᱚᱞ ᱪᱤᱠᱤ ᱵᱤᱱᱤᱰ ᱚᱨᱡᱚ ᱩᱪᱷᱟᱹᱱᱮᱱᱟ
ᱥᱟᱱᱛᱟᱲᱤ ᱯᱟ.ᱨᱥᱤ ᱚᱞ ᱪᱤᱠᱤ ᱵᱤᱱᱤᱰ ᱨᱮᱱᱟᱝ ᱚᱨᱡᱚ ᱩᱪᱷᱟ.ᱱᱮᱱᱟ **
ᱴᱟᱴᱟ ᱠᱚᱨᱚᱱᱰᱤ - ᱪᱟᱞᱟᱣᱮᱱ ᱓᱐ ᱡᱩᱱ ᱦᱩᱞ ᱢᱟᱦᱟ ᱦᱤᱞᱚᱜ ᱫᱤᱥᱚᱢ ᱡᱟᱦᱮᱨ ᱠᱚᱨᱚᱱᱰᱤ ᱨᱮ ᱢᱮᱱᱟᱜ ᱟᱠᱟᱫ ᱡᱟᱦᱮᱨ ᱛᱷᱟᱱ ᱠᱩᱢᱩᱴ ᱦᱚᱛᱮᱛᱮ ᱥᱟᱱᱛᱟᱲ ᱦᱩᱞ ᱨᱤᱱ ᱦᱩᱞᱜᱟ.ᱨᱤᱭᱟ. ᱥᱤᱫᱚ , ᱠᱟ.ᱱᱦᱩ, ᱪᱟᱸᱫᱽ, ᱵᱷᱮᱨᱚᱣ, ᱯᱷᱩᱞᱚ, ᱡᱷᱚᱱᱚ ᱟᱨ ᱦᱩᱞ ᱨᱮ ᱡᱤᱭᱟ.ᱛ ᱟᱠᱟᱱ ᱥᱟᱱᱟᱢ ᱦᱩᱞ ᱜᱟ.ᱨᱤᱭᱟ. ᱠᱚ ᱢᱟᱱᱚᱛ ᱟᱨ ᱪᱤᱛᱟ.ᱨ ᱨᱮ ᱵᱟᱦᱟ ᱢᱟᱞᱟ ᱟᱨᱟᱣ ᱠᱟᱛᱮ ᱟᱠᱚᱣᱟᱜ ᱡᱟᱸᱜᱟ ᱯᱚᱨᱟᱭᱱᱤ ᱨᱮ ᱜᱚᱰ-ᱡᱚᱦᱟᱨ ᱟᱛᱮ ᱦᱩᱞ ᱢᱟᱦᱟ ᱢᱟᱱᱟᱣᱮᱱᱟ ᱾
ᱱᱚᱣᱟ ᱥᱩᱡᱚᱜᱽ ᱨᱮ ᱠᱤᱪᱷᱤ ᱫᱤᱱ ᱞᱟᱦᱟ ᱨᱮ Tata Steel Foundation, Jaher than Committee, Guru Gomkey Pt.Raghunath Murmu Academy ᱥᱮᱫ ᱠᱷᱚᱱ ᱥᱟᱱᱛᱟᱲᱤ ᱯᱟ.ᱨᱥᱤ ᱨᱮᱱᱟᱝ ᱚᱞ ᱪᱤᱠᱤ ᱦᱚᱨᱚᱯ ᱛᱮ ᱵᱤᱱᱤᱰ ᱦᱩᱭ ᱞᱮᱱᱟ ᱾ ᱵᱤᱱᱤᱰ ᱨᱮᱱᱟᱝ ᱚᱨᱡᱚ ᱥᱟ.ᱨᱫᱤ ᱢᱟᱦᱟ ``ᱦᱩᱞ ᱢᱟᱦᱟ`` ᱨᱮ ᱠᱚ ᱩᱪᱷᱟ.ᱱ ᱠᱮᱫᱼᱟ ᱾ ᱱᱚᱣᱟ ᱵᱤᱱᱤᱰ ᱨᱮ ᱑᱑᱒ ᱵᱤᱱᱤᱰ ᱛᱷᱟᱣᱱᱟ (Exam Center) ᱛᱟᱦᱮᱸ ᱠᱟᱱᱟ ᱟᱨ ᱡᱚᱛᱚ ᱛᱮ ᱑᱒᱑᱑᱗ ᱯᱟ.ᱴᱷᱣᱟ. ᱵᱤᱱᱤᱰ ᱨᱮ ᱠᱚ ᱥᱮᱞᱮᱫ ᱞᱮᱱᱟ ᱾ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱡᱮ ᱡᱟᱦᱮᱨ ᱛᱷᱟᱱ ᱠᱩᱢᱩᱴ ᱟᱨ ᱯᱟ.ᱨᱥᱤ ᱥᱤᱧ ᱪᱟᱸᱫᱚ ᱯᱚᱸᱰᱮᱛ ᱨᱟ.ᱜᱷᱩᱱᱟᱛᱷ ᱢᱩᱨᱢᱩ ᱢᱟᱨᱥᱟᱞ ᱢᱟᱰᱣᱟ ᱦᱚᱛᱮ ᱛᱮ ᱴᱟᱴᱟ ᱤᱥᱴᱤᱞ ᱯᱷᱟᱶᱰᱮᱥᱚᱱ ᱟᱜ ᱜᱚᱲᱚ ᱛᱮ ᱡᱷᱟᱨᱠᱷᱚᱱ, ᱯᱚᱪᱷᱤᱢ ᱵᱟᱝᱞᱟ, ᱟᱥᱟᱢ ᱟᱨ ᱩᱰᱤᱥᱟ ᱯᱚᱱᱚᱛ ᱠᱚᱨᱮ ᱦᱚᱸ ᱵᱤᱱᱤᱰ ᱛᱷᱟᱣᱱᱟ ᱵᱮᱱᱟᱣ ᱞᱮᱱᱟ ᱾ ᱱᱚᱣᱟ ᱵᱤᱱᱤᱰ ᱫᱚ ᱯᱮ ᱪᱟᱱᱚᱪ/ᱫᱷᱟᱯ - ᱮᱛᱚᱦᱚᱵ, ᱵᱩᱱᱭᱟ.ᱫᱽ, ᱞᱟᱦᱟ ᱞᱟ.ᱜᱤᱫ ᱦᱟᱛᱟᱣ ᱞᱮᱱᱟ ᱾ ᱵᱤᱱᱤᱰ ᱚᱨᱡᱚ ᱩᱪᱷᱟ.ᱱ ᱨᱮ ᱡᱟᱦᱮᱨ ᱛᱷᱟᱱ ᱠᱩᱢᱩᱴ ᱨᱤᱱᱤᱧ ᱯᱟᱨᱥᱮᱛ ᱜᱚᱝᱠᱮ ᱥᱤ ᱟᱨ ᱢᱟ.ᱡᱷᱤ, ᱥᱩᱛᱨᱮᱛ-ᱵᱩᱰᱷᱟ.ᱱ ᱢᱟ.ᱡᱷᱤ, ᱵᱤᱨ ᱵᱚᱨᱛᱟᱯ ᱢᱩᱨᱢᱩ, ᱱᱤᱥᱚᱱ ᱦᱮᱸᱵᱨᱚᱢ, ᱵᱟᱵᱩ ᱨᱟᱢ ᱥᱚᱨᱮᱱ, ᱨᱟᱢᱚ ᱴᱩᱰᱩ, ᱡᱚᱵᱟ ᱢᱩᱨᱢᱩ, ᱯᱤᱛᱟᱢᱵᱚᱨ ᱢᱟ.ᱡᱷᱤ, ᱞᱟ.ᱠᱷᱟ.ᱭ ᱵᱟᱥᱠᱮ, ᱰᱚᱢᱟᱱ ᱴᱩᱰᱩ, ᱠᱩᱥᱟ. ᱥᱚᱨᱮᱱ ᱮᱢᱟᱱ ᱠᱚ ᱥᱮᱞᱮᱫ ᱞᱮᱱᱟ ᱾
ᱵᱤᱱᱤᱰ ᱚᱨᱡᱚ ᱞᱮᱠᱟᱛᱮ ᱥᱮᱪᱮᱫ ᱟᱥᱲᱟ ᱠᱷᱚᱱ ᱯᱮ ᱫᱷᱟᱯ ᱨᱤᱱ ᱥᱚᱨᱮᱥ ᱚᱨᱡᱚ ᱟ.ᱜᱩᱣᱟᱠᱟᱫ ᱯᱟ.ᱴᱷᱣᱟ. ᱠᱚᱣᱟᱜ ᱚᱨᱡᱚ ᱵᱚᱱ ᱧᱮᱞ ᱠᱮᱭᱟ ---
👇 click here for download
Center Wise Result Published by Guru Gomkey Pt.Raghunath Murmu Academy Dishom Jaher Karandih
OL CHIKI ANNUAL EXAMINATION RESULT 2023
ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱛᱮ ᱟᱹᱪᱮᱛᱤᱭᱟᱹ ᱠᱚ ᱱᱤᱡᱚᱨᱟᱜ ᱟᱥᱲᱟ ᱥᱟᱶ ᱥᱟᱹᱜᱟᱹᱭ ᱫᱚᱦᱚᱭ ᱛᱟᱵᱚᱱ ᱯᱮ ᱾
No comments:
Post a Comment