Sedra Karka

#SANDRA #KARKA

सेन्दरा ---
सेन्दरा दो सान्ताड़ सांवता रेनाग् मिद् माराङ रा़सका़ काना। सेदाय खोन गे आबो हापड़ाम को को सेन्दरा आ़गुयेद्आ आर जाहां तिन माराङ मुहिम पाड़ावोग् रेहों सेन्दरा दो सांवता खोन बाङ मुचा़दोग्आ।
सेदाय दो आ़तु आ़तु ढा़रवा़ग्  लाड़ गिरा़ को आसेनेद् ताहेंद्। आ़तु रे जाहां लेका नायके कुडाम नायके को ताहेंना ओनका गे सेन्दरा ला़गिद् दिहरी मेनाग् कोवा। बुरु हारा सेन्दराय लाहाते जेतेहोड़ गिपितिज् टांडी / सुता़न टांडी रे को हेज् जावराग्आ ओनडे गे दिहरी टोठा जा़नीज् खा़ड़ी आर सुनुम कोय ञेला। जुदि जाहां आ़तु रे होड़ को पिड़ा़ फानडा मेनाग् खान ठिक ताबोन पे आर बाङ खान कुले जोम पेया आर बाङ खान रुवा़ड़ जोङ पे ।
आदो पिड़ फानडा आलो हुयूग् मा मेनते दिहरी मिद् सिम ए बोंगायेया आरे बाखेंड़ा
   जोहार सेरमा रिनिज् सिञ बोंगा झा़नटी लेका आटेड आकान, पिड़ा़ फान्डा पुन सेहेद् नाखा खोन आटेद् आकान, तोबो ओकोय रांडी डुड़ही एरा, हेमे एरा ओल सिद् आटेद् सिद् आकादाय उनी रेनगे सिद् होपोन कुले जोम कोम, फालना आ़तु रिन सेन्दरा कोड़ा को नाय ते नापाय ते ओड़ग् ते को रुवा़ड़ हिजुग् मा गोसांय, मोड़े गोटाङ सिमे बोंगा कोवाय, पुनया़ सिम दो बुरु रिन बोंगा बुरु कोय बोंगा हाकोवा । इना़ तायोम दिहरी दोय पा़टीग् आ आर आजाग् मायाम खोदे चावले रे मेसा कातेय बोंगाया आर दाग् ञामोग् ठांव ए आ़युर कोव , जाहां तिन भुर सिका़री जाहान को बाको गोज् कोवा उन भुर उपा़स तेगेय ताहेंना ।

कारका--  सान्ताड़ सांवता रे कुड़ी होपोन कोदो सेदाय खोन गे को कारका आ़गुवाकाद् आ । सेदाय खोन गे बुरु हारा चालाग् माड़ाङ ते गोड जोहाराते बिरु बुरु खोन साहान, दा़ता़नी, आड़ाग् साकाम, जो बिली रा़नु रान एमानाग् को कारका आ़गुयेद् ताहेंद् ।