Padma Shri Kalipada Saren | ᱯᱚᱫᱢᱚ ᱥᱤᱨᱤ ᱠᱟᱞᱤ ᱯᱚᱫᱚ ᱥᱟᱨᱮᱱ | Padma Shri Award 2022
ᱥᱟᱱᱛᱟᱲ ᱥᱟᱶᱛᱟ ᱨᱮ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟ. ᱢᱟ.ᱱ ᱠᱟ.ᱞᱤ ᱯᱚᱫᱚ ᱥᱟᱨᱮᱱ ᱾ ᱟᱡᱟᱜ ᱡᱟᱱᱟᱢ ᱟᱝᱨᱮᱡᱤ ᱢᱟ.ᱦᱤᱛ ᱙ ᱫᱤᱥᱚᱢᱵᱚᱨ ᱑᱙᱕᱗, ᱟ.ᱛᱩ ᱨᱟᱜᱷᱩᱱᱟᱛᱯᱩᱨ ᱡᱷᱮᱴᱵᱩᱱᱤ ᱯᱚ• ᱵᱮᱞᱟᱰᱤᱜᱨᱤ, ᱛᱷᱟᱱᱟ ᱞᱟᱞ ᱜᱟᱲ, ᱡᱤᱞᱟ- ᱯᱚᱪᱷᱤᱢ ᱢᱤᱫᱱᱟᱯᱩᱨ, ᱯᱚᱪᱷᱤᱢ ᱵᱟᱝᱜᱞᱟ ᱯᱚᱱᱚᱛ ᱨᱮ ᱦᱩᱭ ᱟᱠᱟᱱᱟ ᱾
ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱜᱚᱯᱟᱞᱯᱩᱨ ᱯᱟᱨᱛᱷᱚᱢᱤᱠ ᱵᱤᱨᱫᱟ. ᱜᱟᱲ ᱠᱷᱚᱱ ᱦᱩᱭ ᱞᱮᱱᱟ ᱚᱱᱟ ᱯᱚᱨᱮ ᱞᱟᱦᱟ ᱥᱮᱫ ᱯᱟᱲᱦᱟᱣ ᱞᱟ.ᱜᱤᱱ ᱪᱟᱱᱫᱨᱟ ᱵᱤᱨᱫᱟ.ᱜᱟᱲ, ᱥᱮᱣᱟ ᱵᱷᱟᱨᱚᱛᱤ ᱢᱟᱦᱟ ᱵᱤᱨᱫᱟ.ᱜᱟᱲ ᱠᱟᱛᱷᱟ.ᱲᱤ, ᱠᱚᱞᱠᱟᱛᱟ ᱨᱮ ᱨᱚᱵᱤᱱᱫᱨᱚ ᱢᱟᱦᱟ ᱵᱤᱨᱫᱟ.ᱜᱟᱲ ᱠᱷᱚᱱ ᱨᱟᱡᱽ ᱟ.ᱨᱤ ᱥᱟᱬᱮᱥ ᱛᱮ ᱟ.ᱠᱤᱱᱟᱜ ᱥᱮᱪᱮᱫ ᱫᱩᱠᱤᱱ ᱥᱟ.ᱛ ᱞᱮᱫᱼᱟ ᱾ ᱚᱱᱟ ᱠᱟᱛᱮ ᱟ.ᱠᱤᱱ ᱫᱚ ᱵᱷᱟᱨᱚᱛᱤᱭᱚ ᱮᱥᱴᱮᱴ ᱵᱮᱸᱠ ᱨᱮ ᱪᱟ.ᱠᱨᱤ ᱨᱮᱠᱤᱱ ᱜᱚᱛᱟᱣ ᱞᱮᱱᱟ ᱾ ᱟ.ᱠᱤᱱᱤᱡ ᱢᱤᱫ ᱚᱲᱟᱜ ᱦᱚᱲ ᱟᱨ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱧᱩᱛᱩᱢ ᱛᱟᱠᱚ ᱫᱚᱼ ᱥᱚᱱᱚᱛ ᱥᱤᱨᱡᱚᱱ ᱥᱟᱨᱮᱱ, ᱥᱩᱡᱟᱱ ᱥᱟᱨᱮᱱ, ᱢᱩᱱᱢᱩᱱ ᱥᱟᱨᱮᱱ ᱾
ᱵᱟᱵᱟ ᱦᱚᱲ ᱫᱚ ᱟ.ᱛᱩ ᱫᱤᱥᱚᱢ ᱨᱮᱜᱮᱠᱤᱱ ᱛᱟᱦᱮᱱ ᱠᱟᱱ ᱛᱟᱦᱮᱸᱫ ᱚᱱᱟᱛᱮ ᱟᱡ ᱦᱚᱸ ᱟ.ᱛᱩ ᱫᱤᱥᱚᱢ ᱨᱮᱜᱮ ᱜᱤᱫᱽᱨᱟᱹ ᱩᱢᱮᱨ ᱫᱚᱭ ᱠᱷᱟᱸᱰᱟᱣ ᱞᱮᱫᱼᱟ, ᱚᱱᱟ ᱵᱮᱲᱟ ᱨᱮ ᱟ.ᱛᱩ ᱯᱤᱪᱷᱤ ᱰᱟᱨᱢᱟ ᱥᱟᱯᱲᱟᱣᱚᱜ ᱠᱟᱱ ᱛᱟᱦᱮᱸᱫ ᱩᱱ ᱚᱛᱠᱮ ᱟ.ᱛᱩ ᱦᱚᱲ ᱠᱚ ᱢᱮᱛᱟᱫ ᱮᱭᱟ ᱵᱟ.ᱵᱩ ᱢᱤᱫᱴᱟᱝ ᱰᱟᱨᱢᱟ ᱛᱟᱵᱚᱱ ᱚᱞ ᱢᱮ, ᱚᱱᱟ ᱫᱚ ᱯᱩᱭᱞᱩ ᱜᱟᱭᱟᱱ ᱮ ᱚᱞ ᱞᱮᱫᱟ " ᱱᱤᱫᱷᱟ.ᱱ ᱫᱚᱥᱟ " ᱾ ᱚᱱᱟ ᱯᱚᱨᱮ ᱯᱟᱛᱷᱟᱢ ᱠᱚᱨᱮ ᱦᱚᱸ ᱟᱡᱟᱜ ᱠᱟ.ᱦᱱᱤ, ᱚᱱᱚᱲᱦᱮᱸ, ᱜᱟᱢᱟᱢ, ᱠᱷᱟᱴᱚ ᱠᱟ.ᱦᱱᱤ ᱠᱚ ᱢᱮᱥᱟ ᱠᱟᱛᱮ ᱔᱐ ᱜᱮᱞ ᱠᱷᱚᱱ ᱵᱟ.ᱲᱛᱤ ᱯᱚᱛᱚᱵ ᱠᱚᱭ ᱚᱞ ᱟᱠᱟᱫᱼᱟ ᱾ ᱟᱡᱟᱜ ᱡᱤᱭᱚᱱ ᱨᱮᱱᱟᱝ ᱔᱕ ᱥᱮᱨᱢᱟ ᱫᱚ ᱥᱟᱶᱛᱟ ᱞᱟ.ᱜᱤᱫ ᱜᱮᱭ ᱠᱷᱮᱢᱟᱣ ᱠᱮᱫᱼᱟ ᱾ ᱟᱭᱢᱟ ᱜᱟᱶᱛᱟ ᱠᱚᱸ ᱥᱟᱶ ᱦᱚᱸ ᱡᱚᱱᱚᱲᱟᱣ ᱨᱮ ᱢᱮᱱᱟᱭᱟ, ᱢᱟᱨᱥᱟᱞ ᱜᱟᱶᱛᱟ, ᱚᱱᱚᱞᱤᱭᱟ. ᱜᱟᱶᱛᱟ, ᱯᱷᱤᱞᱢ , ᱥᱮᱨᱮᱧ ᱜᱟᱶᱛᱟ ᱨᱮᱦᱚᱸᱭ ᱥᱮᱞᱮᱫ ᱟᱠᱟᱱᱟ ᱾ ᱜᱟᱭᱟᱱ, ᱯᱷᱤᱞᱢ ᱛᱟᱞᱟᱛᱮ ᱥᱟᱱᱛᱟᱲ ᱥᱟᱶᱛᱟ ᱨᱤᱱ ᱦᱚᱲ ᱠᱚ ᱮᱵᱷᱮᱱ, ᱪᱮᱴᱠᱟᱨ ᱠᱚ ᱞᱟ.ᱜᱤᱫ ᱟᱭᱢᱟ ᱜᱟᱭᱟᱱ ᱠᱤᱱ ᱚᱞ ᱠᱮᱫᱼᱟ, ᱦᱟᱺᱰᱤ ᱯᱟᱨᱣᱟᱹ ᱠᱷᱚᱱ ᱦᱚᱲ ᱠᱚ ᱫᱩᱜ ᱞᱟ.ᱱᱤᱱ ᱟᱨ ᱠᱷᱮᱨᱣᱟᱲ ᱟ.ᱨᱤ ᱪᱟ.ᱞᱤ ᱠᱚ ᱵᱟᱧᱪᱟᱣ ᱞᱟ.ᱜᱤᱱ ᱠᱤᱱ ᱚᱞ ᱠᱮᱫᱼᱟ, ᱜᱟᱭᱟᱱ ᱛᱟᱞᱟᱛᱮᱜᱮ ᱫᱤᱥᱟ. ᱩᱫᱩᱜ ᱠᱤᱱ ᱞᱟ.ᱭᱮᱫ ᱛᱟᱦᱮᱸᱫ ᱾ ᱟᱡ ᱫᱚ ᱢᱤᱫ ᱜᱟᱭᱱᱟ.ᱦᱟᱨ ᱜᱮᱭ ᱠᱟᱱᱟ ᱾ ᱟᱡᱟᱜ ᱫᱚ ᱟ.ᱰᱤ ᱜᱟᱱ ᱵᱟᱦᱱᱟ ᱧᱩᱛᱩᱢ ᱢᱮᱱᱟᱜᱼᱟ, ᱟᱡ ᱫᱚ ᱠᱷᱮᱨᱣᱟᱲ ᱥᱚᱨᱮᱱ ᱛᱮᱦᱚᱸᱭ ᱵᱟᱰᱟᱭᱚᱜ ᱠᱟᱱᱟ ᱾
ᱱᱚᱣᱟ ᱦᱚᱸ ᱧᱮᱞ ᱛᱟᱵᱚᱱ ᱢᱟ ᱺ
ᱟᱡᱟᱜ ᱢᱩᱲ ᱪᱷᱟ.ᱴᱭᱟ.ᱨ ᱧᱩᱛᱩᱢ ᱫᱚ ᱱᱚᱵᱤᱱ ᱥᱚᱨᱮᱱ, ᱩᱯᱮᱱᱫᱨᱚ ᱱᱟᱛᱷ ᱢᱩᱨᱢᱩ ᱜᱮ ᱠᱷᱮᱨᱣᱟᱲ ᱥᱚᱨᱮᱱ ᱢᱮᱱᱛᱮᱭ ᱧᱩᱢ ᱞᱮᱫᱮ ᱛᱟᱦᱮᱸᱫ ᱾ ᱚᱱᱟᱛᱮ ᱛᱟᱭᱚᱢ ᱫᱚ ᱵᱟᱦᱱᱟ ᱧᱩᱛᱩᱢ ᱛᱮᱜᱮ ᱯᱟᱛᱷᱟᱢ ᱠᱚᱨᱮᱭ ᱪᱷᱟᱯᱟ ᱥᱚᱫᱚᱨᱮᱫ ᱛᱟᱦᱮᱸᱫ ᱾ ᱚᱞᱵᱮᱞ ᱜᱮᱞᱮ ᱵᱤᱞᱤ ᱭᱮᱱ ᱛᱮ ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱒᱐᱐᱗ ᱥᱟ.ᱦᱤᱛ ᱨᱮ ᱥᱟᱦᱤᱛᱚᱭᱚ ᱟᱠᱟᱫᱮᱢᱤ ᱥᱤᱨᱯᱷᱟ. ᱛᱮᱠᱚ ᱢᱟᱱᱚᱛ ᱠᱮᱫᱮᱭᱟ, " ᱪᱮᱫ ᱨᱮ ᱪᱤᱠᱟ.ᱭᱮᱱᱟ " ᱠᱷᱮᱞᱚᱸᱰ ᱯᱚᱛᱚᱵ ᱨᱮ ᱾ ᱒᱐᱑᱙ ᱥᱟ.ᱦᱤᱛ ᱨᱮ ᱛᱚᱨᱡᱚᱢᱟ ᱯᱩᱛᱷᱤ ᱚᱱᱩᱵᱷᱚᱣ ᱠᱷᱟ.ᱛᱤᱨ ᱠᱚ ᱢᱟ.ᱱ ᱠᱮᱫᱮᱭᱟ᱾ ᱒᱐᱒᱒ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱟᱶᱦᱮᱫ ᱟᱨ ᱥᱮᱪᱮᱫ ᱪᱮᱛᱟᱱ ᱨᱮ ᱮᱱᱮᱢ ᱠᱷᱟ.ᱛᱤᱨ " ᱯᱚᱫᱢᱚ ᱥᱤᱨᱤ ᱥᱤᱨᱯᱷᱟ. " ᱛᱮᱭ ᱢᱟ.ᱱ ᱠᱮᱫᱮᱭᱟ ᱾ ᱱᱚᱣᱟ ᱥᱤᱨᱯᱷᱟ. ᱫᱚ ᱥᱟᱱᱟᱢ ᱥᱟᱱᱛᱟᱲ ᱜᱟᱛᱟᱠ ᱨᱤᱱ ᱦᱚᱲ ᱜᱚᱨᱚᱵ ᱮ ᱟ.ᱭᱠᱟ.ᱣ ᱦᱚᱪᱚ ᱠᱮᱫ ᱵᱚᱱᱟ ᱾
ᱟᱡᱟᱜ ᱚᱞ ᱨᱮᱭᱟᱜ ᱯᱚᱛᱚᱵ ᱠᱚ-----
ᱱᱤᱫᱷᱟ.ᱱ ᱫᱚᱥᱟ --- ᱰᱟᱨᱢᱟ
ᱥᱟ.ᱜᱩᱱ ᱢᱟᱨᱥᱟᱞ --- ᱰᱟᱨᱢᱟ
ᱡᱟᱣ ᱜᱮ ᱫᱩᱞᱟ.ᱲ ᱡᱤᱭᱟ.ᱲ ᱛᱟᱦᱮᱱ ᱢᱟ --- ᱰᱟᱨᱢᱟ
ᱥᱟᱶᱛᱟ ᱩᱜᱮᱨ ᱨᱮ ᱦᱮᱸᱫᱮ ᱵᱤᱧ --- ᱰᱟᱨᱢᱟ
ᱠᱩᱱᱟ.ᱢᱤ ᱪᱟᱸᱫᱚ ᱢᱟᱨᱥᱟᱞ --- ᱰᱟᱨᱢᱟ
ᱡᱤᱣᱤ ᱥᱮᱸᱜᱮᱞ --- ᱰᱟᱨᱢᱟ
ᱛᱮᱞᱟ ᱤᱢᱟ.ᱧ ᱢᱮᱜᱚ ᱡᱟᱱᱟᱢ ᱟᱭᱳ --- ᱰᱟᱨᱢᱟ
ᱡᱚᱭ ᱡᱤᱛᱠᱟ.ᱨ ᱫᱮ ᱵᱚᱱ ᱢᱮᱱᱟ --- ᱰᱟᱨᱢᱟ
ᱥᱮᱫᱟᱭ ᱥᱚᱦᱟᱜᱽ ᱫᱩᱞᱟ.ᱲ ᱱᱤᱛ ᱩᱠᱩᱨ--- ᱰᱟᱨᱢᱟ
ᱚᱠᱚᱭ ᱦᱤᱨᱞᱟ. ᱤᱧ ᱫᱚᱢ ᱵᱟ.ᱜᱤᱭᱟ.ᱧ ᱠᱟᱱ --- ᱰᱟᱨᱢᱟ
ᱮᱢᱟᱱᱟᱜ ᱠᱚ ᱿
Ref. Link:
Adim News
https://youtu.be/FLBTGNVHR2g
No comments:
Post a Comment