ᱪᱤᱛᱟᱨ ᱚᱱᱚᱞ | Picture Discretion | चित्र वर्णन
ᱪᱤᱛᱟ.ᱨ ᱚᱱᱚᱞ ᱫᱚ ᱪᱮᱫ ᱠᱟᱱᱟ ?
ᱪᱤᱛᱟ.ᱨ ᱚᱱᱚᱞ ᱫᱚ ᱚᱠᱟ ᱵᱚ ᱢᱮᱛᱥᱜᱼᱟ ?
ᱪᱤᱛᱟ.ᱨ ᱚᱱᱚᱞ ᱨᱮᱱᱟᱝ ᱪᱮᱫ ᱜᱩᱱ ᱢᱮᱱᱟᱜᱼᱟ ?
ᱪᱤᱛᱟ.ᱨ ᱚᱱᱚᱞ ᱫᱚ ᱚᱠᱟ ᱞᱮᱠᱟ ᱠᱚ ᱚᱞᱟ ?
ᱛᱮᱦᱮᱧ ᱫᱚ ᱪᱤᱛᱟ.ᱨ ᱚᱱᱚᱞ ᱵᱚ ᱵᱟᱰᱟᱭᱟ ᱧᱟᱢᱟ---
✓ ᱡᱟ. ᱪᱮ ᱡᱟᱭ ᱡᱤᱱᱤᱥ ᱠᱚᱨᱮᱱᱟᱜ ᱪᱤᱛᱟ.ᱨ ᱠᱚ ᱧᱮᱞ ᱠᱟᱛᱮ ᱢᱚᱱᱮ ᱨᱮ ᱟ.ᱭᱠᱟ.ᱣᱚᱜ ᱠᱟᱱ ᱩᱭᱦᱟᱨ. ᱵᱷᱟᱵᱱᱟ ᱠᱚ ᱚᱱᱚᱞ ᱛᱟᱞᱟᱛᱮᱵᱚ ᱥᱚᱫᱚᱨᱮᱫᱼᱟ ᱚᱱᱟ ᱫᱚ ᱪᱤᱛᱟ.ᱨ ᱚᱱᱚᱞ ᱵᱚ ᱢᱮᱛᱟᱜ ᱠᱟᱱᱟ ᱾
✓ ᱪᱤᱛᱟᱨ ᱨᱮ ᱢᱮᱱᱟᱜ ᱟᱠᱟᱫ ᱵᱷᱟᱵ ᱛᱮᱫ ᱱᱤᱡᱚᱨᱟᱜ ᱩᱭᱦᱟᱨ.ᱨ ᱨᱤᱠᱟ. ᱠᱚ ᱡᱩᱛ ᱥᱟ.ᱦᱤᱡ ᱛᱮ ᱚᱞ ᱠᱟᱛᱮ ᱪᱤᱛᱟ.ᱨ ᱨᱮᱱᱟᱝ ᱥᱟᱱᱟᱢ ᱠᱟᱛᱷᱟ ᱵᱚ ᱞᱟ.ᱭᱟ ᱾
✓ ᱪᱤᱛᱟ.ᱨ ᱨᱮ ᱢᱮᱱᱟᱜ ᱠᱟᱛᱷᱟ ᱠᱚ ᱱᱤᱡᱮᱨᱟᱜ ᱢᱚᱱᱮ ᱛᱮ ᱚᱞ ᱜᱮ ᱪᱤᱛᱟ.ᱨ ᱚᱱᱚᱞ ᱫᱚ ᱵᱚᱱ ᱢᱮᱛᱟᱜ ᱠᱟᱱᱟ ᱾
✓ ᱪᱤᱛᱟ.ᱨ ᱟᱨ ᱧᱮᱞ ᱡᱚᱝ ᱡᱟᱭᱜᱟ ᱠᱚ ᱧᱮᱞ ᱠᱟᱛᱮ ᱢᱚᱱ ᱨᱮ ᱟ.ᱭᱠᱟ.ᱣᱚᱜ ᱠᱟᱱ ᱵᱷᱟᱵ ᱪᱮ ᱚᱱᱚᱨᱚᱞ ᱨᱮ ᱦᱩᱭᱩᱜ ᱠᱟᱱ ᱜᱷᱚᱴᱚᱱ ᱨᱮᱱᱟᱝ ᱵᱷᱟᱵ ᱠᱚ ᱵᱷᱟ.ᱜᱤ ᱛᱮ ᱜᱟᱞᱟᱝ ᱜᱟᱵᱟᱱ ᱠᱟᱛᱮ ᱥᱩᱜᱩᱲ ᱟᱨ ᱱᱟᱯᱟᱭ ᱛᱮ ᱚᱱᱚᱞ ᱚᱞ ᱞᱮᱠ ᱠᱟᱱᱟ ᱾
✓ ᱪᱤᱛᱟ.ᱨ ᱚᱱᱚᱞ ᱨᱮ ᱞᱟ.ᱠᱛᱤᱭᱟᱱᱟᱜ ᱠᱟᱛᱷᱟ ᱠᱚ ---
᱑. ᱪᱤᱛᱟ.ᱨ ᱯᱩᱭᱞᱩ ᱛᱮ ᱵᱷᱟ.ᱜᱤ ᱞᱮᱠᱟ ᱱᱟᱯᱟᱭ ᱛᱮ ᱧᱮᱞ ᱠᱟᱛᱮ ᱵᱩᱡᱷᱟ.ᱣᱚᱜ ᱞᱟᱠᱛᱤᱜᱼᱟ
᱒. ᱪᱤᱛᱟ.ᱨ ᱪᱮᱫ ᱨᱮᱱᱟᱝ ᱠᱟᱱᱟ ᱧᱮᱞ ᱯᱩᱥᱴᱟᱣ ᱢᱮ
᱓. ᱪᱤᱛᱟ.ᱨ ᱨᱮ ᱪᱮᱫ ᱠᱚ ᱜᱷᱚᱴᱟᱣᱚᱜ ᱠᱟᱱᱟ ᱥᱮ ᱪᱮᱫ-ᱪᱮᱫ ᱠᱟᱱᱣᱟ ᱦᱩᱭᱩᱜ ᱠᱟᱱᱟ ᱚᱱᱟ ᱠᱚ ᱵᱩᱡᱷᱟᱣ ᱠᱟᱛᱮ ᱚᱞ ᱞᱮᱠ ᱠᱟᱱᱟ
᱔. ᱪᱤᱛᱟ.ᱨ ᱫᱚ ᱛᱮᱫ ᱵᱟᱨᱮᱛᱮᱭ ᱞᱟ.ᱭ ᱮᱫᱟ ᱚᱠᱟ ᱥᱟᱛᱟᱢ ᱨᱮ ᱪᱤᱛᱟ.ᱨ ᱢᱮᱱᱟᱜᱼᱟ ᱚᱱᱟ ᱵᱟᱰᱟᱭ ᱡᱚᱝ ᱞᱮᱠ ᱠᱟᱱᱟ
᱕. ᱢᱩᱪᱟ.ᱫ ᱨᱮ ᱥᱟᱱᱟᱢ ᱠᱟᱛᱷᱟ ᱠᱚ ᱥᱟᱢᱴᱟᱣ ᱠᱟᱛᱮ ᱢᱚᱱᱮ ᱨᱮᱱᱟᱝ ᱥᱟᱱᱟᱢ ᱠᱟᱛᱷᱟ ᱠᱚ ᱡᱩᱛ ᱥᱟ.ᱦᱤᱡ ᱠᱷᱟᱴᱚ ᱚᱱᱚᱞ ᱛᱟᱞᱟᱛᱮ ᱚᱞ ᱾
ᱪᱤᱛᱟ.ᱨ ᱚᱱᱚᱞ ᱨᱮᱱᱟᱝ ᱚᱨᱡᱚ ---
᱑. ᱡᱟᱦᱟᱱ ᱡᱟᱭᱡᱤᱱᱤᱥ ᱠᱚ ᱡᱷᱟ.ᱞ ᱠᱷᱚᱱ ᱧᱮᱞ ᱠᱟᱛᱮ ᱚᱱᱟ ᱵᱟᱨᱮ ᱛᱮ ᱵᱟᱰᱟᱭ ᱪᱮ ᱟ.ᱭᱠᱟᱣ ᱵᱷᱟᱵ ᱨᱮᱱᱟᱝ ᱫᱟᱲᱮᱭᱟ ᱦᱟᱨᱟᱭᱟ ᱾
᱒. ᱪᱤᱛᱟ.ᱨ ᱠᱚ ᱧᱮᱞ ᱠᱟᱛᱮ ᱩᱭᱦᱟᱨ ᱫᱟᱲᱮ ᱦᱟᱨᱟᱜᱼᱟ ᱾
᱓. ᱪᱤᱛᱟ.ᱨ ᱚᱱᱚᱞ ᱨᱮ ᱚᱞ ᱠᱚ ᱵᱷᱟ.ᱜᱤ ᱛᱮ ᱜᱟᱞᱟᱝ ᱜᱟᱵᱟᱱ ᱨᱮᱱᱟᱝ ᱫᱟᱲᱮ ᱦᱟᱨᱟᱜᱼᱟ ᱾
᱔. ᱪᱤᱛᱟ.ᱨ ᱚᱱᱚᱞ ᱨᱮ ᱱᱮᱡᱚᱨᱟᱜ ᱚᱱᱚᱞ ᱥᱟᱶᱦᱮᱫ ᱨᱮ ᱯᱟᱨᱥᱤ ᱦᱟᱨᱟᱭ ᱨᱮᱱᱟᱝ ᱫᱟᱲᱮ ᱦᱟᱨᱟᱜᱼᱟ ᱾
© ᱪᱤᱛᱟᱨ ᱚᱞ ᱨᱮᱱᱟᱝ ᱜᱩᱱ -----
✓ ᱪᱤᱛᱟ.ᱨ ᱚᱞ ᱨᱮ ᱪᱤᱛᱟ.ᱨ ᱵᱟᱨ ᱯᱮᱫᱷᱟᱣ ᱛᱮ ᱧᱮᱞ ᱠᱟᱛᱮ ᱯᱩᱥᱴᱟᱣ ᱥᱟᱛᱟᱢ ᱵᱟᱰᱟᱭ ᱡᱚᱝ
✓ ᱪᱤᱛᱟᱨ ᱨᱮ ᱡᱟᱦᱟᱸ ᱠᱚ ᱡᱷᱟᱞᱠᱟᱣᱚᱜᱼᱟ ᱚᱱᱟ ᱠᱚ ᱚᱞ ᱡᱚᱝ ᱨᱮᱱᱟᱝ ᱠᱟᱛᱷᱟ
✓ ᱪᱩᱛᱟ.ᱨ ᱨᱮ ᱡᱟᱦᱟᱭ ᱢᱟᱱᱣᱟ ᱦᱟᱜ ᱫᱩᱠ ᱦᱟᱨᱠᱮᱛ ᱵᱷᱟᱵ ᱛᱮᱫ ᱡᱷᱟᱞᱠᱟᱣᱚᱜᱼᱟ ᱚᱱᱟᱜᱮ ᱚᱞ ᱢᱮ ᱡᱩᱛ ᱥᱟ.ᱦᱤᱡ
✓ ᱢᱩᱫᱤ ᱡᱟᱦᱟᱸᱭ ᱯᱩᱨᱩᱫᱷᱩᱞ ᱪᱮ ᱥᱟᱣᱛᱟ ᱥᱩᱥᱟ.ᱨᱤᱭᱟ. ᱪᱮ ᱫᱤᱥᱚᱢ ᱫᱩᱞᱟ.ᱲᱤᱭᱟ. ᱦᱟᱜ ᱪᱤᱛᱟ.ᱨ ᱢᱮᱱᱟᱜ ᱠᱷᱟᱱ ᱟᱢᱟᱜ ᱡᱤᱭᱚᱱ ᱪᱩᱨᱤᱛ ᱱᱟᱯᱟᱭ ᱛᱮ ᱚᱞ ᱢᱮ ᱡᱟᱦᱟᱸ ᱞᱮᱠᱟᱭ ᱛᱟᱦᱮᱸᱞᱮᱱᱟ ᱚᱱᱠᱟ ᱜᱮ
✓ ᱪᱤᱛᱟ.ᱨ ᱚᱱᱚᱞ ᱨᱮ ᱵᱷᱮᱱᱛᱟᱨ ᱠᱟᱛᱮ ᱠᱟᱛᱷᱟ ᱠᱚ ᱚᱞ ᱞᱮᱠᱷᱟᱱ ᱟ.ᱰᱤ ᱱᱟᱯᱟᱭ ᱟᱨ ᱚᱱᱟᱞ ᱨᱮ ᱡᱤᱣᱤ ᱢᱮᱱᱟᱜ ᱞᱮᱠᱟ ᱜᱮ ᱟᱴᱠᱟᱨᱚᱜ ᱢᱟ
✓ ᱪᱤᱛᱟ.ᱨ ᱚᱱᱚᱞ ᱨᱮ ᱟ.ᱲᱛᱤ ᱵᱟ.ᱲᱛᱤ ᱠᱟᱛᱷᱟ ᱠᱚ ᱵᱟᱝ ᱚᱞ ᱠᱟᱛᱮ ᱢᱩᱲᱩᱛ-ᱢᱩᱲᱩᱛ ᱠᱟᱛᱷᱟ ᱠᱚᱜᱮ ᱚᱞ ᱞᱮᱠ ᱠᱟᱱᱟ ᱾
✓ ᱪᱤᱛᱟ.ᱨ ᱚᱱᱚᱞ ᱫᱚ ᱔᱕ᱼ᱕᱐ ᱟ.ᱲᱟ. ᱪᱮ ᱑᱐ ᱟ.ᱭᱟ.ᱛ ᱨᱮᱱᱟᱝ ᱜᱮ ᱛᱟᱦᱮᱱᱟ ᱤᱱᱟ ᱵᱷᱤᱛᱤᱨ ᱨᱮᱜᱮ ᱪᱤᱛᱟ.ᱨ ᱚᱱᱚᱞ ᱫᱚ ᱥᱟ.ᱛᱩᱜ ᱢᱟ ᱾
✓ ᱟ.ᱭᱟᱛ ᱵᱮᱱᱟᱣ ᱨᱮ ᱱᱚᱣᱟ ᱵᱟᱰᱟᱭ ᱠᱟᱜ ᱢᱮ ᱡᱮ ᱟ.ᱭᱟ.ᱛ ᱫᱚ ᱱᱤᱛᱚᱝ ᱵᱟᱝ ᱨᱮ ᱜᱮ ᱚᱞᱚᱜ ᱢᱟ
✓ ᱪᱤᱛᱟ.ᱨ ᱚᱱᱚᱞ ᱨᱮ ᱪᱤᱛᱟ.ᱨ ᱨᱮᱱᱟᱝ ᱥᱟᱛᱟᱢ ᱠᱟᱛᱷᱟ ᱠᱚ ᱟᱨ ᱟ.ᱭᱟ.ᱛ ᱠᱚ ᱞᱮᱛᱟᱲ ᱜᱮ ᱜᱟᱵᱟᱱ ᱠᱟᱜ ᱢᱟ
ᱪᱤᱛᱟ.ᱨ ᱚᱱᱟᱞ ᱫᱚ ᱢᱤᱫ ᱵᱤᱨᱫᱟ. ᱠᱟᱱᱟ ᱡᱟᱦᱟᱸ ᱫᱚ ᱫᱤᱱᱟᱢ ᱜᱮ ᱚᱞ ᱦᱮᱣᱟ ᱞᱮᱱ ᱠᱷᱟᱱ ᱚᱞ ᱠᱚ ᱵᱷᱟ.ᱜᱤ ᱛᱮ ᱥᱟᱶᱦᱮᱫ ᱚᱞ ᱨᱮᱱᱟᱝ ᱩᱭᱦᱟᱨ ᱟᱨ ᱥᱟᱶᱦᱮᱫ ᱥᱚᱠᱲᱟ ᱨᱮ ᱤᱛᱟ ᱮᱨ ᱨᱮᱱᱟᱝ ᱫᱟᱣ ᱠᱟᱱ, ᱡᱟᱦᱟᱸ ᱛᱮ ᱢᱤᱫ ᱫᱤᱱ ᱱᱤᱢᱮᱨᱟᱜ ᱚᱞ ᱠᱚ ᱯᱚᱛᱚᱵ ᱢᱩᱨᱟ.ᱭ ᱨᱮ ᱴᱷᱟᱶᱮ ᱧᱟᱢᱟ ᱾
ᱚᱞ ᱮᱛᱚᱵ ᱨᱮᱱᱟᱝ ᱠᱟᱛᱷᱟ ᱠᱚ ᱦᱮᱣᱟ ᱫᱟᱲᱮ ᱛᱮᱜᱮ ᱚᱱᱚᱞᱤᱭᱟ ᱦᱟᱜ ᱠᱩᱠᱢᱩ ᱠᱚ ᱯᱩᱨᱟ.ᱣᱚᱜᱼᱟ ᱾
ᱢᱮᱱᱟᱠᱚ ᱥᱮᱫᱟᱭ ᱟᱫ ᱢᱟᱱᱣᱟ ᱠᱚ ᱵᱤᱨ ᱵᱩᱨᱩ ᱨᱮ ᱛᱟᱦᱮᱸ ᱠᱟᱛᱮ ᱟᱠᱚᱣᱟᱜ ᱡᱤᱭᱚᱱ ᱠᱚ ᱠᱷᱮᱢᱟᱣ ᱞᱮᱫᱼᱟ, ᱟᱠᱚᱣᱟᱜ ᱡᱤᱭᱚᱱ ᱵᱤᱨ ᱵᱩᱨᱩ ᱥᱮᱸᱫᱨᱟ ᱠᱟᱛᱮ ᱡᱤᱵ ᱡᱤᱭᱟ.ᱞᱤ ᱠᱚ ᱥᱮᱸᱫᱨᱟ ᱠᱟᱛᱮ ᱠᱚ ᱡᱚᱢ ᱠᱚ ᱛᱟᱦᱮᱸᱫ ᱟᱨ ᱨᱩᱣᱟ.ᱲ ᱵᱮᱲᱟ ᱥᱩᱛᱟ.ᱱ ᱴᱟᱺᱰᱤ ᱨᱮ ᱱᱟᱭ ᱱᱟᱯᱭ ᱵᱩᱜᱤ ᱵᱟ.ᱲᱤᱡ ᱠᱚ ᱞᱟ.ᱭ ᱥᱟᱰᱮᱭᱟ, ᱟᱫᱚᱢ ᱫᱚ ᱠᱷᱮᱞᱚᱱᱰ ᱛᱟᱞᱟᱛᱮ ᱠᱚ ᱥᱚᱫᱚᱨᱟ ᱟᱨ ᱟᱯᱟᱱ-ᱟ.ᱯᱤᱱ ᱚᱲᱟᱜ ᱨᱮ ᱪᱤᱛᱟ.ᱨ ᱠᱚ ᱵᱮᱱᱟᱣᱟ ᱥᱮᱸᱫᱨᱟ ᱨᱮᱱᱟᱜ ᱪᱤᱛᱟ.ᱨ ᱠᱚ ᱵᱮᱱᱟᱣᱮᱫ ᱛᱟᱦᱮᱫ ᱾
No comments:
Post a Comment